球迷都要分類?

車路士淺論 於 19/11/2016 發表 收藏文章
講到球迷,我諗睇呢一篇文既大多數都係。今次筆者想講既,唔係講d人係d咩勝利球迷,而係想講,佢地中意足球既方面唔同。

唔知大家有冇留意,有時身邊中意足球既人,大致上都會分為幾類:第一種係真係中意睇波,中意研究d踢法珍惜等等既人、有d係咩隊都中意,只要場波好睇就得既人、有d人淨係中意打足球game,只係識少少唔同球員既類型、同埋一種就係淨係中意踢波,但唔睇波既人。


通常第一種,應該就係係呢度睇緊文既大多數。通常佢地都會中意研究一d陣式,睇下球隊人腳係咪適合等,通常自己都會有一定既見解。如果同fd傾計講波既時候,通常佢地會講到深入,甚至會分析d fd講既岩唔岩,同你討論排陣既目的同埋戰術既優劣。筆者就係其中一種,講得岩唔岩、好唔好就唔知,不過如果d fd同你唔係同一類既球迷,就會變咗雞同鴨講。

source:www.trollfootball.me

第二種都算普遍,因為而家球隊既新聞非常繁多,非常廣泛,如果一路冇揀一隊中意既球隊,或者冇特別中意邊一隊既,基本上就會隊隊佢都中意,只要場波好睇,夠多入波、踢得夠激烈,基本上就已經啱睇。佢地對於d咩陣式、踢法無乜研究,甚至無乜所謂,最緊要球波入得夠靚。


同第二種俾我知既就係第三種,佢地都係對於球隊多數都冇乜研究,但佢其實識唔少球員,但前提係d球員本身要夠出名,踢法、風格要夠突出,佢就會記得,然後打機就用佢。佢識既可能唔多,但係打機用起上嚟就好似識好多咁,朋友就係呢類,打機既時候佢好似好熟咁,但如果你同佢一齊睇波、睇足球消息,就會發現其實好多都唔識。


最後一種,筆者就比較少遇到,但係中學既足球隊就印象中好似大部份都係。佢地都好中意足球,踢既時候好用心、好落力,但當你以為佢地真係好中意足球既野,想搵佢地一齊睇波既時候,佢地就會話:其實我唔睇波既,邊隊打邊隊我都唔知。然後你就會O左咀,因為筆者以為中意足球既就一定會睇埋波。你同佢傾應該點樣走位點樣踢先岩,佢地呢方面就非常專業,但你同佢講某位球員既時候,佢地就會表示:我唔識佢喎。


以上只不過係筆者自己遇到唔同既朋友,同埋身邊既人,分別係呢幾類既球迷。唔同人中意足球既方式都唔同,可能其實自己中意既個方面同人地唔同,或者中意足球既動機、目標唔同,未必有意貶低或者同你有咩衝突,大家都中意足球,如果遇到唔同類型既人,不妨了解下大家係咩類型既球迷,如果講d咩大家唔啱聽,都無謂大家嘈,開開心心踢波睇波咪仲好。


多謝各位不吝賜評,一like一支持,多承指教:
https://www.facebook.com/chelsea.gor.sk

留言


請按此登錄後留言。未成為會員? 立即註冊
    快捷鍵:←
    快捷鍵:→