有爭議但都有抵輸之處,淺論車路士不足 文字

車路士淺論於 29/05/2017 發表 收藏文章
雖然遲咗少少,都要恭一恭喜阿仙奴同雲加(Wenger)贏得足總杯。其實今場阿仙奴踢得唔錯,攻勢組織好順,反觀車路士其實防守唔算好集中,而且呢個情況其實係季中打後,其實算係比較常見。


問題方面依然係老生常談,主要問題集中係馬迪(Matic)呢一位防中,對於後防既保護上。其實佢既狀態一直唔算好好,不過比起另一位中場法比加斯(Fabregas),佢既風格防守性會比較高。然而,係狀態不足既情況之下,佢係防守既作用好低,筆者睇其他評論既時候,比較多聲音指,出法比控制中場會更好。筆者亦都同意,論狀態法比理應更勝一籌,而且雖然防守性不足,但球隊證實過其實以擅長傳送及控制節奏的法比,都可以同隊友係戰術上攞到平衡,而且法比落場認真、有拼勁,係值得欣賞之處。


其實以干地(Conte)轉陣三後衛既果斷,如果都用到係放棄馬迪之上,唔好出盡兩名防守性中場、過分追求穩陣,咁樣踢出黎既效果可能更好。係球隊今季新作風下,其實無必要過份保守,雖然防守係車路士近年崛起既基石,而作為意大利領隊既干地,亦擅於調教防守,但既然馬迪係防守上交唔到功課,可能放棄佢反而係更加穩陣既選擇。


當然阿仙奴第一球其實有啲幸運成份,因為筆者當時睇,藍斯(Ramsey)應該係處於越位既位置,而佢正係向前衝緊,之後先收步,但係已經明顯影響咗門將古圖斯既判斷,可以話係有參與攻勢,雖然最後退後咗,之後射入既山齊士(Sanchez)冇越位,但係本身有人越位在先,呢個入球應該判無效。但其實縱觀今場車路士踢得一般,好似無咗爭冠時既集中,尤其中後場,傳送同走位總係有誤會,唔係話hea踢、唔夠積極,但好似差咁啲野咁。


除咗要解決防中位置上既用人or人手外,其實球隊係防守上or心理上都有一定問題,人選有提升空間(買人or出第個都好啦)外,好要加強集中力,因為其實車仔今季尤其下半季,都偶有出現呢種情況,例如對水晶宮、對曼聯,同埋對愛華頓既初段,其實表現都一般,呢個係干地要加強返心理層面,積極同高度集中,努力先唔白費,林美香亦不必老是常出現。


多謝各位不吝賜評,一like一支持,多承指教:
https://www.facebook.com/chelsea.gor.sk
標籤: chelsea  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→