[呢季有乜睇頭] 其他聯賽篇 文字

車路士淺論於 11/08/2017 發表 收藏文章
講完英超,其他聯賽都有筆者留意既球隊,等筆者都提及下分享下,包括意甲其實筆者like既AC米蘭,同西甲方面無左尼馬(Neymar)既巴塞。


講下意甲筆者留意既,就係AC(米蘭)會打成點?今季搖身一變財大氣粗,簽入一批實力戰將,雖然大量球員出入十分影響球員既磨合,但都要視乎各人之間既化學反應同領隊功力。而加入既球員有唔同風格,有實而不華之輩,有適應意甲風格節奏之人,有年少有為既,有經驗豐富既,以引援角度而言比較全面,如果有能力磨合,米蘭既復興可謂指日可待。但球隊係咪真係可以藉此有無力挑戰祖記?磨合度相信會成關鍵,而且咁多新球員,一定要盡快了解同搵到一個合適既風格同戰術,呢樣係前米蘭領隊安察洛提(Ancelotti)最擅長既野,且睇今季米蘭有無能力做到。當然如果卡連歷(Kalinic)來投,前線既攻力應無大問題,否則以其野心,應再簽入一位頂級射手,另外亦要顧及唔同新兵係更衣室既和諧程度,就會係走得幾遠既決定元素。


至於西甲,筆者較留意巴塞點應對尼馬離隊後既前場打法,因為自安歷基(Enrique)執教後,巴塞改打更實際既踢法,進攻上主要交波上去由前場既南美三叉戟MSN解決,但戰術變得極度依賴三人,而三人能力實在係強,不過一旦狀態有起伏,立即拖累成績。所以尼馬一走,加上換領隊,其實都可以係巴塞改進踢法既契機,擺脫返安歷基遺下既戰術問題。當然,問題就睇巴塞會買咩人補返尼馬既空缺,真係買古天奴?定係丹比利(O. Dembele)?如果前者,如果配合到美斯(Messi),有機會打返巴塞傳統控球戰術,以古天奴既助攻力,配合蘇亞雷斯(Suarez)同美斯既全能打法,而且古仔企位相信較後,配合能力較高,攻力問題應可改善,不過如果來投既係丹比利,恐怕新領隊就會蕭規曹隨,繼續半防反式、由前場自由造波嘅打法。


德甲、法甲方面筆者並無深研,但上季萊比錫RB及摩納哥分別刮起一股青春風暴,到底今季點樣應對同走到幾遠,相信會係焦點所在。希望各位可以欣賞唔同聯賽既精彩球季!


多謝各位不吝賜評,一like一支持,多承指教:
https://www.facebook.com/chelsea.gor.sk

留言

會員
我要評論
請按此登錄後留言。未成為會員? 立即註冊
  • Jason514
    Jason514 於 12/08/2017 評論 NO. 1

    巴塞順勢而為應該係美斯頂小白個位墮後做playmaker

快捷鍵:←