[吹水文]淺論死守戰術既心態

車路士淺論 於 25/04/2014 發表 收藏文章
其實上回合車路士對馬體會既歐聯賽事,無錯係擺大巴、用死守戰術,呢個絕對係摩連奴(Mourinho)既拿手好戲。不過都有人會話佢:咁你又話韋斯咸?你而家都守啦。無錯,兩個都岩。


其實摩佬講野係咁。我諗最唔服係韋斯咸當時抱住同歸於盡既心態,零爭勝決心,只守唔攻,連防守反擊都唔打。呢個完全只係黃子華既「魚蛋論」:我唔使要三分,我只要你都無三分。當然,問題就係車仔係防反型球隊,我另外既文亦多次提到,車路士係唔識強攻主攻,所以0:0完場。


無獨有偶,其實馬體會都係不擅主攻,都係防反型球隊,對住車仔比韋斯咸更強既防守,更係不知所措。不過,車仔同韋斯咸唔同既係車仔有贏既信心,可能係係下場,加上前線費蘭度托利斯(Fernando Torres)既活躍,車仔都係有反擊到既,而且下場車仔主場一定會盡量打返多d進攻,唔係零爭勝決心,呢個係護級球隊同歐聯四強既分別。
標籤: chelsea  west ham  ath. madrid  

留言


請按此登錄後留言。未成為會員? 立即註冊
  • 709394 於 25/04/2014 評論 NO. 1

    風頭火勢, 你仲彈篇咁o既文出黎, 作者你真係得o既!

    其實兩邊都係無錯, 反摩反車o既球迷最叻係盲反, 而摩佬最叻係玩防反, 所以兩邊都係做緊佢地o既強項, 都係冇錯o既.

    我再補充一下, 其實今季車仔作客的戰績一般, 尤其係歐冠杯, (輸巴素爾, 輸PSG, 和加拉塔沙雷) 往往都係中前場失波, 最後更出現輸波收場, 聯賽冇左夏薩特尤如斷了半臂, 冇人識做突破, 冇埋伊度奧, 少左個人係前場做串聯同埋(小縫隙內)創造機會, 好多時出現未射門就已經失左控球權(當然皇子今場有佢另一用處), 導致輸波輸勢, 今場增加防中球員, 你可以當車仔玩死守, 亦可以諗車仔其實係想增加中場攔截能力, 阻止對方制做攻勢.
    我相信車仔係最後派攻中球員出黎偷雞搶作客入球. 因為去到尾段, 馬會更加顧慮會失球, 但可以傷左兩名主將影響換人名單. (其實有睇開今季車仔就知佢地係唔會滿意和局這賽果了)
    作者的確講得冇錯, 韋斯咸攻都冇諗過攻, 如果韋斯咸係和波都可以攞聯賽冠軍, 我諗大家都會接受, 因為最終目標都係為左嬴. 而睇返打歐冠, 依家只係打左作客o既賽事, 睇埋餘下90分鐘摩佬仲係咁打法, 再笑都未遲. (下場更難踢, 冇左米基爾, 林伯, 泰利, 施治或者夏薩同伊度奧都出唔到)

快捷鍵:←
快捷鍵:→