92 一代＆堅尼及雲高爾一齊教曼聯有冇得諗？以下淺談個人意見。 精選

《每日郵報》透露，雲高爾若接替莫耶斯成為曼聯主帥，他將邀請堅尼擔任紅魔助教。

雲高爾目前是曼聯帥位最熱門的人選，曼聯高層也希望請回至少一位前曼聯球員協助管理一線隊事務，因此堅尼很有可能重返奧脫福。

92 一代＆堅尼及雲高爾一齊教曼聯有冇得諗？以下短談個人意見。

雲高爾係全能型足球嘅追求者。當佢係阿積士做領隊時，阿積士踢出當時歐洲最強嘅攻擊足球。另外，雲高爾亦會使用年輕人作主力軍隊，佢所出嘅徒弟亦有好多好出名，例如：柏金，湯馬士梅拿，沙維，哥迪奧拿⋯⋯雲高爾處事嚴肅，佢亦非常注重球員紀律，此外，若球員狀態不佳或出言頂撞佢，佢會雪藏球員。雲高爾選堅尼做助教絕對係好配合自己。堅尼出名敢言，敢開吹風機吹醒球員。兩者嚴格的訓練及管理，一定會令雲佩斯及朗尼兩個大帝聲都唔敢出多粒。

92一代做教練團有咩好？雲高爾及堅尼嚴格管理，咁都要一班強勁教練團架！92一代全部都係曼聯出身，又多大賽經驗，一定能夠以自己的見識及以過來人身份教一眾球員。加上92一代名有所長，一定對曼聯有好多益處。當然未必92一代嘅七小福齊人，起碼傑斯，史高斯，畢特及菲臘利維利會留係度幫手。另外，約基現今仲係曼聯員工之一，都可以幫到手掛。所以92一代做教練團應該復興到曼聯嘅。