豪門少有的自家青訓 你知佢叫拉比奧特嗎？ 精選

-請支持藍獅 Facebook專頁-
<歡迎轉載 請列明出處 謝謝>

向來各大豪門都難以讓自己既青訓產品喺一隊中有穩定既出場機會，比較下只有西甲三雄已經叫做較為多用番自己本土青訓球員。而身為法國豪門既巴黎聖日門(下簡稱PSG)，近年都比到人不斷課重金買人既感覺，但係喺今季隊中有一個長期正選並非重金禮聘番黎，而且更係法國本土球員，今季表現令佢入選法甲年度最佳新秀既最後4人名單，佢叫做拉比奧特(Adrien Rabiot)。
．圖片來源 : Le Parisien

拉比奧特係PSG自家青訓球員，由U16梯隊一直晉升至一隊，喺正式加入前球員曾經在英超曼城跟操，而最後選擇回流法國發展。在12-13球季正式成為PSG一隊成員，而在法甲聯賽第二場對陣波爾多既賽事更係哩位法國新星既處子戰，及後下半季外借至同屬法甲球會圖盧茲以獲得較多正選機會上陣。到13-14球季PSG正式穩定安排拉比奧特上陣，球員每季亦會間唔中亦受傷患困擾未能上場，但每次傷癒後都好快重拾狀態。
．圖片來源 : Eurosport

拉比奧特司職中場中路任何角色，比較之下中場中及防守中場會係佢既最佳位置，防守攔截無論技巧以及質素，都絕對不比名氣較大既中路拍擋華拉堤失色，而且拉比奧特個子高腿長較優勝於高空搶截，與此同時擁有一定既盤球能力，在攔截成功後能夠在中場持球推進一段距離，活動範圍亦非常廣闊；但傳球質素無疑係拉比奧特既弱點，而且並不善於組織攻勢，即使球隊喺擁有控球權作反擊底下，但佢既傳球路線都較易被對手看穿或是未能準確傳送到隊友腳下，哩點尤其係喺球隊落後時被無限放大。
．圖片來源 : arabic.sport360

當然，球員現年只係二十有二，絕對有時間作改進，而且佢亦係法國本土天賦較高的一群。今季拉比奧特一共為PSG在各項賽事上陣近40場，取得4個入球及5個助攻，部份入球都係在禁區外起腳，球員偏好直接接應隊友傳球後施射，如果傳球組織有進一步提升，相信助攻數字會穩步上揚。而球員上年年尾時段開始入選法國國家隊，更在對陣科特迪瓦的友誼賽中首次穿上一隊波衫正選上陣，伙拍普巴及簡迪合組三中場。即使還有馬度迪哥倫天杜利素等好手作中場選擇，但年輕的拉比奧特絕對有能力成為未來法國隊核心。
https://www.youtube.com/watch?v=Vq_1x1qo950．影片來源 : YouTube - ScoutNationHD

拉比奧特在PSG還有提升既空間，而言球員曾表示希望將來會到英格蘭踢波，阿仙奴對哩位法國新星亦相當感興趣。未來如何發展，相信會在拉比奧特手中。

<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/