《響起見頂的訊號 - 韋利安》

藍獅 於 07/07/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Daily Star

沉晚上演左一場觀賞性極高既八強賽事,由南美洲強隊巴西大戰「歐洲紅魔」比利時,賽前經已預料會係一場相當觸目既攻防戰,但令人意想不到既係「擺大個頭」既比利時經已喺半場時取得領先優勢。而言兩隊之間都各自擁有現效力車路士既球員喺度,今次想講既係半場被換走既韋利安。

與球會隊友夏薩特同場,而且各自在同一邊路相見,相信兩位都希望為能夠為自己國家狠狠地擊倒對手,顯然地兩者既能力同表現可以話喺一場波之中高下立見,韋利安一貫使出「時間停頓」一招,經常性地在右路拖慢進攻節奏,引致對手經已埋位佈防,同時出球質素欠佳,唔能夠為禁區內既加比爾捷西斯以及尼馬提供具威脅既助攻,可以話令巴西自斷一臂。

反觀半場取替佢既杜格拉斯哥斯達可以話拯救了癱瘓既右路,強而飛快既爆發力,合適時機變速過人,再加上準繩度極高既長傳,哩位巴西7號多番衝擊比利時左路,為森巴兵團帶黎具威脅既攻勢,尤其係喺比利時既左翼衛查迪利傷出之後,由華湯根接手該位置,杜格拉斯哥斯既優勢可以話更加明顯,即使對手堵塞其進攻路線,哩位祖雲達斯既邊路球員亦唔會好似韋利安咁強行硬上,而會快速轉邊拉開對手陣式,務求讓巴西進攻方式更加立體鮮明。

至於為何會以韋利安會作正選而杜格拉斯哥斯達則為後備,實在無從稽考,反而係如果曼聯真係出價向前者招手的話,相信唔少車路士球迷都會「頭也不回」地答應,若果藍軍繼續依賴韋利安的話,就只會同巴西一樣繼續出現右路既「進攻黑洞」。

文章最後更新時間 : 07/07/2018 16:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→