《雙藍會分析》朗奴高文會否再一次用鏡複製干地戰術?

BluexLion車迷手記 於 27/08/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

歐聯分組抽籤結果已出,相信亦製造不少討論空間比車路士既球迷。但唔好忘記,今晚早場八點半球隊將會迎戰愛華頓,上季車路士在聯賽雙殺拖肥,但到今季後者人腳面目全非,藍獅在主場出擊之下能否全取三分,就好睇當中幾個要素。
.圖片來源 : Mirror

車路士在未有增添新傷兵之下,法比加斯停賽復出,絕對可以話係喺未有新球員加盟,人手所限之下既好消息。而夏薩特亦在U-23賽事中上陣,但主帥干地在賽前記者會表示,比利時人還需要時間提升狀態,意味著今場即使進入後備名單,出場既機會亦不大,干地同時表示對於球員入選新一期比利時國家隊名單感到驚訝,消息指出夏薩特將會在星期一喺比利時進行體測,再決定能否繼續參與國家隊備戰直布羅陀既賽事。
.圖片來源 : Evening Standard

至於愛華頓,今夏轉會窗在賣走盧卡古後作出多個重點收購,無論在中後場以至前場都有具備質素既新球員加盟,球隊整體實力比起上季絕對有所提升,至少直到依一刻不論在歐戰還是聯賽一共六場賽事都保持不敗,其中更包括作客和左勁旅曼城。至於傷兵方面,卡拉臣、古耶、巴克利、保拿斯、高文同占士麥卡菲等都因傷缺陣,而上場拎兩面黃牌既前曼聯中場舒拉達連今場需要停賽。
.圖片來源 : Sky Sports

車路士可以話喺上場作客溫布萊球場對陣熱刺打左一場好波,球隊在士氣上一定有所提升,而愛華頓八日內連戰曼城、歐霸盃附加賽及作客史丹福橋,雖然在體力、球員傷病以及停賽下會有所影響,但至今暫時保持不敗,士氣絕不會比車路士弱。反觀就係睇陣式到戰術方面,干地上場可以話破釜沉舟,在人腳有所掣肘下由343改變成自己最拿手既352陣式(有人話係532),以意式十字聯防對抗熱刺既攻勢,以上舉動明顯希望球隊能夠喺溫布萊帶走一分,幸運地因馬高斯阿朗素既兩個入球最終協助球隊全身而退奪取三分。
.圖片來源 : 90Min

而朗奴高文所帶領既愛華頓開季至今六場波,已經一共擺出五個唔同既陣式,包括433、352、3142、4231同442,陣式上似乎哩位荷蘭教頭非常多變,但事實上只係一直在摸索球隊的最好陣式,始終今夏加盟既球員實在太多,有必要為各人在位置上配置出球隊最好陣式,而且新兵當中包括回家既朗尼、高價從史雲斯加盟既施古臣等都好快交出亮眼表現。愛華頓動作連連,明顯今季要在英超闖一番成就。
.圖片來源 : Goal.com

上季兩軍對陣首回合時,朗奴高文試圖同樣擺出三後衛應對,結果以5-0慘敗收場,而到次回合即使喺主場用番熟悉既4141亦獲得一場0-3敗仗,往績之下車路士似乎擁有絕對優勢,但波係一場一場計,深信朗奴高文亦不想比人再一次以大比數數光蛋,如果今季真係想大展拳腳,就絕對有必要在對陣列強時搶分。反觀干地至今有兩套陣容選擇。
.圖片來源 : Football.London

即使擁有法比加斯停賽復出,但相信變回343陣式既機會不大,始終車路士前場還有核心既夏薩特尚未復出,而柏度亦剛傷愈,後備席中只有年青小將保加作替補之用,在邊路球員不足下干地無必要冒險用一個舊陣取代一個新陣式,或有機會繼續推上雷斯為中場,伙拍簡迪繼續掃蕩,而先立提前復出既巴卡約高為後備,換上法比加斯加強中場創造力,擁有兩位防守中場既保護下,相信西班牙人能夠專心為隊鋪橋搭路製造攻勢,而後場以及前場既正選不變,相信已經係球隊至今最好既陣式,上場能夠在溫布萊保持不失(當住「老烏」唔計),今場對住拖肥亦深信可以。
(- 下圖為夏薩特在車路士U-23對愛華頓U-23賽事中復出)
.圖片來源 : Complete Sports Nigeria

而愛華頓相信會同樣擺出352應戰,哩個陣式喺今季分別已經使用過兩次,其中一次更加能夠守和曼城,球員對於三後衛既陣式經已有一定了解,至少對唔似得好似上季咁只係為三後衛而三後衛,貿貿然咁「照板煮碗」複製車路士同樣陣式,朗奴高文今場必定有所準備。同時車路士上場其實在邊路上漏出不少空間,只因熱刺過於沉迷中路行軍而被干地正中下懷,愛華頓還擁有丹尼爾洛文、米拿拉斯等邊路具速度既好手喺度,如果都同熱刺一樣硬係要同干地打中路的話或許唔會有好下場。
.圖片來源 : City AM

對車路士黎講哩場絕對唔係「食硬三分」既賽事,但相信哩場係一場具觀賞性十足既三後衛雙藍會對決。

文章最後更新時間 : 27/08/2017 10:00

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 朗奴高文  愛華頓  干地  車路士  

留言


請按此登錄後留言。未成為會員? 立即註冊
    快捷鍵:←
    快捷鍵:→