還有穿上車路士球衣的機會嗎? 古亞達度

BluexLion車迷手記 於 14/04/2017 發表 收藏文章
-請支持藍獅 Facebook專頁-

剛剛在歐聯八強首回合,以正選姿態代表祖雲達斯主場出戰巴塞隆拿既古亞達度(Juan Guillermo Cuadrado),在賽事中交出一球助攻戴巴拿(Paulo Bruno Dybala),表現相當可人,並協助球隊以大比數三比零取勝。但你還記得,他是車路士的借將嗎?
由費倫天拿轉會到車路士既佢,是以轉會費加外借沙拉(Mohamed Salah)作條件完成交易。而普遍認為,古亞達度係會黎取代已離隊既舒爾尼(André Schürrle),相比於後者,球迷們更將期望既目光放喺哩位哥倫比亞國腳身上。當時在球隊邊路攻擊位置上,只有夏薩特及韋利安兩名正選球員,拉美利斯(Ramires Santos do Nascimento)亦可臨時擔當,但其實隊中還有摩西斯、馬高馬連(Marko Marin)以及一些年輕球員,可惜因為不合乎戰術理念或其它原因先後在兩個轉會窗被外借到其它球會。
而言古亞達度的確是一個很好既補充,球員無論喺紫百合以及國際賽上都交出高質素表現。可惜理想與現實卻有點距離,佢可以話比舒爾尼獲得更加之少機會,即使能夠上場,韋利安既表現比佢更為穩定理想,完全令球迷原本認為可以挑戰巴西人正選地位既心破滅。自此,佢就開始成為外借名單中既一員,踏上回歸意甲之路,加盟一直有注視古亞達度既祖雲達斯。當然,對比於車路士,球員獲得既機會可以話以倍數遞增,而明顯地熟悉意甲風格,讓佢發揮得十分理想。
外借回歸,再外借回歸,共經歷兩次外借過後,似乎球迷們對球會處理球員手法既耐性亦差不多到極限。正喺哩個時候,干地成為車路士既新主帥,而目光再次放在古亞達度身上。雖然兩人之前並未有合作過,但球員在外借祖雲達斯時,在干地老本行陣式中發揮出高水準表現,令球迷們假想二人可以一拍即合,古亞達度在藍橋既前境出現曙光。
可惜,命運再一次作弄球迷的盤算。縱使干地表示希望留下古亞達度,但球員的確心不在此,眼中只有都靈的時光,而且位置上還有同樣外借回歸既摩西斯,兩者相比之下,後者在季前熱身賽的確表現出堅定留在車路士的心。一個有心有意,而另一個卻持相反,試問你是干地,你會選用何者?

而古亞達度亦再一次外借到祖雲達斯,而且為期三季,比起普遍的外借期為長,更有傳交易中不包含重召條款。
近日又開始傳出祖雲達斯會提出正式收購,而轉會費亦預計不大,始終球員心在都靈,與其拖拖拉拉,倒不如痛痛快快來個了斷。希望古亞達度能夠繼續保持水準,場上再見!

藍獅 每週末出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  古亞達度  祖雲達斯  

留言


請按此登錄後留言。未成為會員? 立即註冊
  • Marjill 於 14/04/2017 評論 NO. 1

    換迪巴拿反來

  • OhMyGirl_Arin 於 14/04/2017 評論 NO. 2

    好似祖記今季拎意甲冠軍就強制比2000萬買斷 如果唔係就三年 每年500萬借

  • gnimuis17 於 14/04/2017 評論 NO. 3

    la

  • Ivanb 於 15/04/2017 評論 NO. 4

    股罅大到

快捷鍵:←
快捷鍵:→