《賽後分析》基奧特攻入加盟車路士後第一球 4-0大勝侯城

藍獅於 17/02/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : BBC

主帥干地賽前經已表明今場波會進行大幅度輪換,球迷對於正選十一人名單絕不感意外,由於車路士於早一圈曾被諾域治守和,導致球隊在頻密賽程中仍需加插重賽,前車可鑒下今場早早入局,更能夠為在下半場換入年青球員為準備下週對陣巴塞隆拿作準備。

干地安排近日為新聞焦點既隊長卡希爾為正選,伙拍魯迪加以及年輕小將安柏度為三中堅,艾馬臣自加盟後獲得第一次正選機會,與薩柏哥斯達一左一右擔任翼衛,中場方面選用法比加斯搭上真禾特,至於前線繼續以基奧特為首,配合柏度及韋利安作攻堅。夏薩特、簡迪、艾斯派古達等常任正選亦不在後備名單當中,反而係一眾年輕小將在列,可見得干地希望球隊早在上半場盡快解決對手。

開賽不足2分鐘,基奧特迫搶對手成功,皮球落入韋利安腳下,巴西國腳扣去大位隨即用左腳熨遠柱,為車路士早開記錄;到左13分鐘其實再有一次領先機會,柏度將皮球直線吊入禁區內,基奧特成功突破越位,但車身左射挑射門眉高出,「銀河唯一」既把握力真係再要提升。不過去到27分鐘再一次見到基奧特既重要性,真禾特傳高波到前線,法國人支點式回傳到法比加斯腳下,後者再施展「手術刀式」長傳搵到柏度,並射入成2-0。

5分鐘過後,再一次複制第一球入球方式,基奧特再次迫搶對手成功後傳比韋利安,巴西人在禁區外割草式施射,為球隊射入成3-0。完半場前,基奧特接應艾馬臣左路助攻,小禁區內射成4-0,真係4球入球都有佢份關佢事;由於球隊早已領先,繼而下半場都可以開始於慢進攻節奏,一眾小將如赫臣奧多爾及卡爾史葛相繼入替,但其實下半場開賽無耐,法比加斯在己方禁區大意出腳,球証直指十二碼,卡巴尼路飛身撲出力保清白之身,哩球亦係佢近8個十二碼入面撲出既第5個。

完場前韋利安有一個上演帽子戲法既機會,又係在禁區外施射,不過今次角度太大中柱彈出,實在非常可惜。而喺今場波既臨場調動,都已經為下場對巴塞隆拿既出場陣容留下伏線,連續兩場大勝無疑為球隊增加唔少信心,但真正既考驗由下場正式開始。


文章最後更新時間 : 17/02/2018 10:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 基奧特  車路士  侯城  足總盃  
【世界盃 ng sick ball 街訪 — 第二集】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→