《清風送爽》韋利安發威 車路士5-0大勝史篤城

藍獅 於 31/12/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : Metro

2017年車路士最後一場賽事,藍軍在史丹福橋迎戰史篤城,客隊主帥曉士在賽前表示在排陣上刻意留力,主要原因是為了應付下場對陣紐卡素既護級之戰,始終今場能奪得三分機會不大,而最終以大比數作結相信各球迷亦不感到意外。

干地在賽前排出343陣式,隊長卡希爾繼續頂替剛傷癒既基斯甸臣為中堅中,伙拍艾斯派古達及魯迪加為三後衛防線,好讓丹麥人能夠養精蓄銳迎戰下場倫敦打吡作客阿仙奴既賽事;中場方面,自真禾特加盟以黎首次伙拍簡迪為雙中場正選,哩對前李斯特城組合表現絕對令人期待;至於鋒線方面,源用番首回合對史篤城既攻擊組合,莫拉達搭檔韋利安及柏度為前場攻擊線,而傳出轉會消息既夏薩特先列後備。

開賽不足3分鐘,魯迪加就頂入由韋利安右路開出既罰球,德國人力壓史篤城兩名守衛騰空頂入,充分睇得到佢既制空力;5分鐘後,韋利安在禁區頂施射被擋出,皮球彈到位於左路既柏度腳下,傳中時又再一次被客隊球員擋出,落入在禁區外既真禾特,「飲水哥」控定後再挑射,皮球直飛死角入網,就連對方門將畢蘭特也不能作出任何反應,就知道哩腳射門無論球速及角度都可以話完全「收死」左門將,亦係自佢加盟藍軍以黎第一個入球。

去到上半場22分鐘,再一次由韋利安發動攻勢,莫拉達拉邊到左路,韋利安禁區外選擇傳比靠右有空檔既柏度,西班牙人再一次施展佢禁區頂既遠射本色,為車路士帶來3-0既比分;到下半場階段,史篤城開始積極反撲,車路士後防開始顯得不集中,卡希爾與艾斯派古達誤會做就貝拉軒奴單刀,幸好古圖爾斯擋出力保不失;同時干地先後換入薩柏哥斯達、巴卡約高及巴舒亞伊去取替摩西斯、簡迪及莫拉達以分擔體力消耗。

去到72分鐘,韋利安單人匹馬殺入禁區被侵犯,球証直指十二碼,夏薩特不在場下巴西人親自操刀射成4-0;接近完場階段,車路士亦都開始減慢比賽節奏保存體力,真禾特在中圈靠左位置長傳,雖然皮球不能傳到隊友射上,但落入禁區後對方守衛擋出不遠,薩柏哥斯達喺右路推大位,用左腳射地波死角入網,意大利翼衛自換出後多番前插推動進攻,始終可能與隊友未夾熟路,配合時機唔準,今次射入總算叫做有斬獲。

莫拉達明顯因為夏薩特不在場少左著眼點,同時多次埋門機會都把握唔到,似乎干地真係要諗諗計幫佢提升一下射門質素唔可以下下都靠頭槌;至於韋利安成為全隊既進攻命脈,基本上今場有至少4個入球佢都有份參與,賽後被評為賽事最佳球員亦屬實至名歸;至於較少出場機會既真禾特及魯迪加亦取得入球,表現相當可仁,相信干地對於佢地場上既發揮相當欣喜。

清風送爽,以大比數擊敗對手同時能夠留力下場迎戰阿仙奴既賽事,同時間因曼聯和左修咸頓,使藍軍順利升上聯賽第二位。相信大家對於全隊以至主帥干地在2017既表現亦感到滿意,期望來年球隊再接再厲,在各項賽事上能夠取得好成績。


文章最後更新時間 : 31/12/2017 12:00

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 韋利安  車路士  史篤城  
【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
  • OhMyGirl_Arin
    OhMyGirl_Arin 於 31/12/2017 評論 NO. 1

    莫拉達把握能力真係 下下單刀都唔入, 一早應該棄用巴卡約高出真禾特啦 真禾特拍簡迪配合得好好多

  • Howard Fung
    Howard Fung 於 31/12/2017 評論 NO. 2

    冇左夏世三先大勝…

  • Jason Wong
    Jason Wong 於 01/01/2018 評論 NO. 3

    干地有料!👍🏽

  • Wai Wong
    Wai Wong 於 01/01/2018 評論 NO. 4

    韋利安值得正選

快捷鍵:←
快捷鍵:→