【專題探討】基奧特的春天 他才是藍軍正中鋒的真命天子?

BluexLion車迷手記 於 16/02/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : cdn

早幾日先寫完一篇關於「銀河唯一」加盟車路士既文章,並預料佢會好快得到正選機會,轉過頭就即刻喺聯賽對西布朗時交出好表現,相信令唔少藍軍球迷恩喜既地方,唔單止係一場勝仗,仲有既係久違缺失左既前線支點力量,正正喺基奧特身上重現出黎,難道佢先至係車路士中鋒既最佳人選?

今場波在排陣上干地選用了343陣式,先將剛從背傷康復過來既莫拉達放於後備席上,前線用上左基奧特為正中鋒,加上柏度同夏薩特兩個在邊路上一左一右,而在比賽當中多次見到法國人能夠力壓對手,成功爭頂及背著後衛拎波,完全發揮出一名典型柱躉中鋒應具備元素,而哩幾項特質正正係車路士自迪亞高哥斯達離隊後藍軍前線一直所缺乏的,那邊箱雖然莫拉達並非同類型前鋒,但基奧特在場上以「教科書式」既示範,無疑係為西班牙人上了一課。

同時,基奧特擁有身形及高度上的優勢,使對手亦需要多以埋身看管,亦表示佢能夠在前線拉走後衛更多注意力,代表隊友能夠有更多走動空間,而今場最大得益者一定係身旁既夏薩特。近哩幾場波都發現,每當法比加斯不在陣中時,整支球隊既創造力源頭基本上都係來自比利時人,但即使狀態幾好既球員,沒有其他隊友配合拉開空位,亦獨力難支,遇上高大而貼身的後衛針對性防守夏薩特時,頓然堵塞了車路士整體的進攻力。

而在基奧特的開路下,驅使夏薩特猶如被放生一樣,有更多空間帶波、盤扭及作出射門機會,法國人更助攻佢一球,以支點式背向對手二傳比夏薩特射入。「銀河唯一」無疑增強了前場的硬度,以及在戰術上的變化,雖然射門質素欠佳仍有改善空間,但對於依加既藍軍黎講絕對夠洗夠用,係一個非常好既補充。

至於在前鋒安排上,由於歐聯淘汰賽戰線經已再次展開,車路士需要與老對手巴塞惡鬥一番,如果繼續維持343陣式,較為主張基奧特負責應付英超聯賽上,而莫拉達會放左歐聯戰線上,始終後者向來都並非一季聯賽入好多波既球員,而數據同印象話到比我地聽,莫拉達本身就係一啲喺國際大賽上既表現會比起本土聯賽發揮得更為出色既球員。反而在352陣式,就要睇干地如何因應對手作出決定,選用基奧特、夏薩特或莫拉達其中兩位。

在相同位置上存在競爭,對於一隊球隊黎講絕對係一件正面既事,相輔相成,能夠互相推動對方成長、進步,更希望莫拉達能夠在「銀河唯一」哩位算係英超老大哥身上吸取經驗,如果佢能夠提升作支點既能力,將會成為一名更全面既射手,最終亦會打破「藍色9號魔咒」。
附上基奧特首戰正選對陣西布朗的官方精華片段 :
https://www.facebook.com/ChelseaFC/videos/10156338163577259/.影片來源 : Chelsea FC

文章最後更新時間 : 15/02/2018 22:30


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  基奧特  干地  莫拉達  

留言


請按此登錄後留言。未成為會員? 立即註冊
    快捷鍵:←
    快捷鍵:→