《倫敦打吡》雲加絕地反擊 干地能否再下一城? 文字

藍獅於 17/09/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

今晚既焦點賽事絕對不得不說哩場倫敦打吡,車路士將會喺史丹福橋迎戰阿仙奴,雲加在賽前記者會經已表示球隊有信心作客取勝,同時隊長梅迪薩卡亦指出全隊不能再犯上次強強對陣利物浦時的錯誤,而藍軍上場在歐聯場上大勝卡拉巴克後,可以話氣勢如虹。究竟係雲加所帶領既阿仙奴能夠作客絕地反擊?又還是干地所帶領既車路士再下一城?
.圖片來源 : The Sun

針對於車路士黎講,深信干地會繼續維持343陣式,而球隊中暫時只有新加盟既真禾特會因傷缺陣,意大利人在賽前記者會表示哩位前李斯特城中場小腿受傷,有機會喺下一個國際比賽日之前都可能無法上場;似乎球迷們想睇哩位前李斯特城中場為藍軍首次上陣仲要一啲時間。
.圖片來源 : Chicago Tribune

講完傷兵就講番陣式,先講後防,上場干地安排番卡希爾上陣,同時間哩位新任隊長既聯賽停期已經結束,意味著今場可以上陣,但干地究竟會唔會派佢上陣?相信哩個係一個非常棘手既問題,球迷未必想卡希爾破壞左球隊後防既穩定。理性分析下,車路士過去哩兩場聯賽都維持以大衛雷斯為中堅核心,分別拍上魯迪加及副隊長艾斯派古達,而且後備席上亦有基斯甸臣,此子喺對陣熱刺時正選上陣表現相當理想。

預測卡希爾上陣如否會取決於阿仙奴會派邊位前鋒上場,始終艾斯派古達受制於身高所限,如果對手選用基奧特作出高空攻勢,選用較於善頂既卡希爾會較理想;而如果派出拿卡錫迪、韋碧克或禾確特相對較有突破力同靈活既前鋒的話,卡希爾自身速度同轉身慢問題相信會表露無遺,取長補短之下佢唔太適合上陣,而基斯甸臣既全面性代替上陣或會更好。
.圖片來源 : Football365

至於翼位位置,左邊繼續由馬高斯阿朗素擔任應該都係百分百,而右邊有由拖連奴加盟既薩柏哥斯達以及摩西斯選擇,雖然前者上場首次上陣已經以一腳世界波作見面禮,經已有球迷認為佢有能力擔上正選,但其實對手實力不屬高水平,要薩柏哥斯達再一次在右路爆破再複製入球實在唔易。當然,並非否定意大利人既助攻同出波能力,佢了解干地既戰術理念亦相當快,不過強強對碰的話選用番較為熟路既摩西斯會較為合適。
.圖片來源 : DailyNews24.it

到中場方面,簡迪無傷病下必佔一位相信無人會反對,反而佢既拍擋就係選要決擇既地方,如果因應對手係阿仙奴的話,選用巴卡約高作正選會較為合適,是因對手中場硬度不弱,無論薩卡、藍斯還是艾蘭尼都係擁有充沛體力既中場好手,埋身迫搶之下正正難以發揮法比加斯既能力,反而巴卡約高與簡迪合組法國中場組合,強勁既掃蕩力底下預計能夠破壞對手唔少攻勢,而法比留待下半場或需打破僵局時入替效果更為理想。
.圖片來源 : The Citizen

最後就講到攻擊線,莫拉達同柏度相信都一定係正選,餘下既位置就要睇干地安排夏薩特還是韋利安作首發,前者上場繼續以後備姿態上陣,狀態亦未係十足,如果係咁的話,留前鬥後安排比利時人在下半場對手體力減得七七八八時上陣,安排或會較為合適。當然球迷希望夏薩特與莫拉達同柏度兩者獲得更多合作時間,始終同是技術派球員踢出黎擁有較高觀賞性,相信黎緊見到既機會會愈黎愈多。
.圖片來源 : Read Chelsea

而言近兩場倫敦打吡車路士一方均有球員被逐,干地刻意在賽前記者會呼籲球員冷靜,只要球隊保持11人完成90分鐘賽事便無懼阿仙奴。

難得早場8:30開波,大家記得睇哩場今季第三次對碰既倫敦打吡喇。

文章最後更新時間 : 17/09/2017 09:00

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 倫敦打吡  雲加  阿仙奴  干地  車路士  

留言

會員
我要評論
請按此登錄後留言。未成為會員? 立即註冊
  • Ho Ming Wong
    Ho Ming Wong 於 17/09/2017 評論 NO. 1

    4:0
    4:1
    4:2

  • Man Kit Loi
    Man Kit Loi 於 17/09/2017 評論 NO. 2

    車仔無張伯輪又點會書。

快捷鍵:←
快捷鍵:→