[德甲第十一輪]拜仁慕尼黑 vs 法蘭克福[賽前預告] 精選

比賽類型 : 12-13賽季德甲第十一輪
比賽時間 : 10/11/2012 22:30
比賽地方 : 安聯球場
新賽季係績分榜領先既22屆德甲冠軍拜仁慕尼黑，今晚會係主場火併今季既黑馬，成績漸褪既升班馬法蘭克福！

法蘭克福一輪虛火
法蘭克福雖然係前6輪保得不敗，但係近期4輪只得1勝1和2負，狀態下滑。回觀兩隊既交手紀錄，拜仁係82場比賽入面以43勝19和20負佔優。況且，自2003/04賽季起，法蘭克福未曾客場贏過拜仁。

攻擊力非常驚人
拜仁係近3場賽事中攻入左13球，進攻火力驚人。雖然主力前鋒文素基治感冒，唔知今場可唔可以痊癒出戰，但係老將比沙路係週中既歐冠小組賽中上演帽子戲法、梅拿11輪攻入7球、列貝利同洛賓再次組合，線鋒強勁無比。正如早前所提，拜仁前兩輪係主場不敵利華古遜，失去左連勝紀錄同分數，今場拜仁絕對唔會再重蹈覆轍！
向3冠王目標前進
拜仁如今同聯賽第2位既史浩克04及第3位既法蘭克福有7分既差距，而今季雙方競爭相當激烈，為保聖誕前冬季冠軍之名，宜家係聯賽、歐冠同德國杯三線一齊進發既拜仁，要再次向三冠王既目標前進。小飛俠洛賓既復出令到拜仁陣容更加強大，法蘭克福呢隊黑馬威左大半個賽季之後，宜家應該會放慢腳步，令安聯球場繼歐冠之後再見證主場既入波狂潮！

直播網址 :
直播吧
zqnow
Wiziwig