2012球壇十大事情！ 精選

1. 2012年1月10日，巴塞球星美斯憑住完美既表現連續第三次獲得FIFA金球獎，今次亦都係歐洲金球獎同FIFA足球先生合體後既首次頒獎。小跳蚤成為繼柏天尼後第二個連奪三次金球獎既球員！
2. 2012年3月18日，保頓球員梅姆巴係球場上因心髒病發作而暈倒。關於職業球員既身體健康問題再次成為談論焦點，球星係享受擁戴同高薪既背後，到底承受住咩既體能極限，又應該點樣平衡呢，現代足球係唔係賽程過於密呢？係今年既8月15日，康復出院既梅姆巴宣布正式退役，告別足球壇！
3. 2012年5月4日，皇馬作客3:0擊敗畢爾包，以7分既優勢提前兩輪奪得西甲冠軍，打破左巴塞對西甲連續3年既壟斷。摩帥亦都保持左係第二年必奪聯​​賽冠軍既規律！
4. 2012年5月13日，英超聯賽進行到最後一輪，曼市雙雄係最後一輪開始前排名第一二名，曼城同曼聯積分相同，僅以淨勝球優勢壓到曼聯排名第一。比賽過程曲折離奇，比賽進行到90分鐘果陣曼城仲落後一球，曼聯果方面已經贏出比賽。但係最後4分鐘，曼城連入兩球，神奇逆轉奪冠。咁都係藍月亮時隔44年重奪聯賽冠軍！5. 2012年5月19日，歐聯決賽係安聯球場舉行，坐鎮主場既拜仁係場上戰績絕對佔優，但係比賽直到83分鐘先掀起高潮，梅拿先幫拜仁開紀錄。但係僅僅過左5分鐘，杜奧巴頭鎚破門扳平。係之後既加時賽入面，拜仁錯失左多次良機，最後比賽進入十二碼大戰，最終車路士笑到最後，歷史上首次贏得歐聯冠軍！
6. 2012年5月，意大利掀起“踢假波”風波，祖雲達斯主帥干地成為涉案人之一。剛剛率領祖雲達斯奪得冠軍既少帥都被禁賽4個月，對於意甲足壇又係一次毀滅性打擊！
7. 2012年7月2日，西班牙成功衛冕歐國盃冠軍，係對意大利既決賽中，西班牙乾淨利落咁4:0擊敗對手意大利。鬥牛士軍團自從08年歐國盃開始壟斷世界足球壇，08年奪得歐國盃冠軍，2010年奪得世界盃冠軍，2012年再衛冕歐國盃，咁既成績恐怕係將來好長一段時間內都難以復制！8. 2012年8月11日，2012年倫敦奧運會男子足球決賽係溫布萊球場進行，最終奪冠大熱巴西意外地1:2輸俾墨西哥，墨西哥歷史上首次奪得奧運會金牌！
9. 2012年12月10日，2012年係屬於美斯既一年，佢係一年內既各項賽事一共入左91球，係12月10日呢一日，佢正式打破蓋德-梅拿既年度85球入球記錄，成為歷史上一年入最多波既人！
10. 2012年12月16日，世冠盃决賽係呢一日進行，哥連泰斯最終1:0擊敗車路士奪得世冠盃冠軍。哥連泰斯亦打破歐洲球會對世冠盃既壟斷，成為自2006年黎第一支奪冠既美洲球隊！