睇波活動迎首勝 抽獎造馬引疑雲? 文字


適逢巴塞香港官方球迷會已成立接近一週年,同時為了回饋會員,昨晚球迷會在觀塘Ball Room舉辦了新一季首個免費睇波活動、西甲首輪─巴塞隆拿對貝迪斯!昨晚吸引了接近40位球迷參與,個個都好努力玩Pool Soccer、打機、瘋狂食野同睇波,最後順利見証愛隊大炒6比2!仲記得每次入波後個個都好興奮,尤其係美斯、蘇亞雷斯入靚波真係拍爛手掌一齊叫「美斯!美斯!美斯!」,氣氛超好,睇波最過癮都係成班一齊睇!


另外昨晚亦有抽獎環節,獎品係巴塞球員Figure,仲有5個咁多!但抽獎期間都有單歷史懸案引起現場人士討論,就係連續抽到5位球迷會工作人員!咁我依家就重申多次我地係__做馬嘅,但為公平起見我地都有人好唔捨得咁嘔返個獎品出黎再抽,在此重申我地絕對係公平公開公正!期待下次活動再同大家一齊玩,多謝支持!更多靚相稍後送上。


標籤: 巴塞隆拿  貝迪斯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→