從仙魔大戰分析沙加仲值得正選? 文字

情繫兵工廠於 04/12/2017 發表 收藏文章
一場比賽,兩個失誤,三個失球,導致阿仙奴跌落聯賽榜第五,不少評論針對兩名中堅—哥斯尼(Laurent Koscielny)和梅斯達菲(Shkodran Mustafi)的低級失誤斷送了三分予紅魔,作為一名阿迷,面對著己隊的錯誤和對方門將的神勇,實在難以為己隊說好話,所以本文把焦點落在中場球員沙加(Granit Xhaka)身上,雖然紅魔三球入球並非他引起,然而他的防守走動給予一種想法—為何雲加還要擺一個不懂防守的球員在防守位置?
首先,觀察沙加在失第一球前的位置,當時他站在哥斯尼的右前方,其實沙加背後並沒有人迫搶(這點哥斯尼應該更清楚),但哥斯尼選擇換邊,顯然這是他的失誤。
換邊不成功後沙加顯然是看到見曼聯的華備西亞當時是直接把球搶下來(當時他的位置站在哥斯尼身後)
只是一秒之差,哥斯尼意識到自己失誤(同時亦失位),立即轉身跑向禁區防守,但沙加當時跑得比哥斯尼慢?(事實上今季哥斯尼的速度實在減慢很多)不過問題出現在下一張圖。
兩秒之後,沙加已經「成功」消失在鏡頭內,是他速度太慢,還是沒有氣力(只是開賽3分半鐘),抑或根本就不想參與防守?事實上當時的情況如同4 vs 4,沙加即使未來得及回防,也未必有幫助,但雖知阿仙奴防守問題一直常在,要盡力跑到禁區不難呢。
在華倫西亞射門前,鏡頭「終於」見到沙加,但你一看哥斯尼,他雖然失誤但已經跑到保羅普巴(Paul Pogba)左邊封阻他的傳球路線。如是者,在先失一球的情況下,沙加有沒有意識到自己防守懶散?答案是沒有。
再看第二球梅斯達菲失誤前的一刻,當時沙加周圍已經沒有敵人,最近的只有普巴。
當梅斯達菲意識到皮球落在普巴腳下時,可以見到他立即衝上前防守,一來當然希望可以作出攔截,二來是讓曼聯的連加特(Jesse Lingard)落入越位的情況,普巴不得傳球。當時的沙加並沒有衝上前攔截普巴,而且望去另一邊跑動的馬迪爾(Anthony Martial),但事實哥斯尼已經在他附近,那麼沙加想法是什麼?
他望見哥斯尼接近馬迪爾之後,竟然是一直向後走?!連加特意識到自己越位,已經先跑回沙加的水平線,然後再跑前走位,當時沙加既無兼防,亦無設越位,是嫌失一球還不夠嗎?
果然,普巴選擇傳球予連加特,沙加由連加特偷球開始,他應該知道左邊有一個曼聯球員,如今他一直站在中間位置,最後皮球在他旁邊經過!他就算不協防,亦應該知道連加特的跑動吧,但他卻任由普巴傳出直線,那他站在這個位置有何意義?
來看最後一球,這次他積極防守曼聯的反攻,這也是正常,因為不可能再失球吧。
連加特傳球後直接向前跑,當時沙加這次一定知道他的跑位,因為他向左邊望了一下,當時他也應該注意到比爾連正在回防(下圖會解釋)。那正常應該一直纏繞連加特,防守他成功接應傳球射門,但他又在做什麼?
他眼見普巴已經成功擺脫哥斯尼,當時門將施治亦意識到危險,不論普巴傳球還是自己射門,都第一時間選擇出迎。至於連加特就直接繼續向前跑就可以了。至於沙加,可以清楚見到……就一直站著。當時的比爾連誤以為沙加會跟著連加特(這也是正常,因為早前二人就一直貼近),他意識到普巴可能向禁區外的兩名球員傳球,所以自己向禁區外跑,結果造成空門被對手射入,擴大比數為1-3。
至於剛才為什麼提到會以為比爾連防守連加特,因為在入球後沙加就望向比爾連,手勢動作如同一句:「唔係你去防咩?」筆者大膽之說,即使比爾連跟著連加特,普巴傳給禁區的盧卡古,沙加一樣望著皮球射入自己龍門。
筆者已經不是第一次提到沙加防守的問題。(筆者曾討論沙加機動性慢的問題影響三後衛)。上季因為粗野的攔截而被罰黃牌和紅牌,今季在這方面有所改善,但改善的方法是不參與防守。既做不得封位的工作,又不做攔阻工作,實在不明白雲加為什麼還在放一個不防守的球員在防中的位置,只能說這種懶散和一副事不關己的態度只會為兵工廠帶來更多的厄運。
標籤: 阿仙奴  ARSENAL  XHAKA  沙加  

留言

會員
我要評論
請按此登錄後留言。未成為會員? 立即註冊
  • Lawrence Mok
    Lawrence Mok 於 04/12/2017 評論 NO. 1

    成場波無腳好波,打少一個隨時仲好

  • Edmond Lam
    Edmond Lam 於 04/12/2017 評論 NO. 2

    Chilam Wong

  • Jason Cheung
    Jason Cheung 於 04/12/2017 評論 NO. 3

    梗係值!
    廠輸波點都值

  • Yiu Ka Lun
    Yiu Ka Lun 於 04/12/2017 評論 NO. 4

    沙加,藍斯,奧燒,基佬
    連埃及仔同燒鵝脾踢國家隊都曉飛
    唔係無説明書
    而係有人死要進攻球員打防守姐

  • August Yick
    August Yick 於 04/12/2017 評論 NO. 5

    有辣有唔辣 沙加控制中場做得好好 如果唔係邊有咁多攻勢

  • Gunners Cha Cha Chan
    Gunners Cha Cha Chan 於 04/12/2017 評論 NO. 6

    沙加除咗長傳外,其他真係不敢恭維。阿仙奴仍欠缺一個簡迪……

  • Eagle Chung
    Eagle Chung 於 04/12/2017 評論 NO. 7

    沙加同藍斯都唔係正統防中,係雲加將進攻球員打防中

    唉......睇左咁多年,雲加都係一成不變

  • Louis Lee
    Louis Lee 於 04/12/2017 評論 NO. 8

    點解唔出高基連啪藍斯

  • Yiu Kwok Hong
    Yiu Kwok Hong 於 04/12/2017 評論 NO. 9

    沙加擺明是CM 不是DM
    間中客串下都得,佢要隔離有個純防中配住佢先得,佢啲長傳同遠射其實係一線水平

  • Rox Chung
    Rox Chung 於 04/12/2017 評論 NO. 10

    真心覺得佢今屆防守好hea, 有次仲掛住撩鼻屎都唔去mark 波,俾人中路入波🤦🏽‍♂️

  • Siu Fai  Kwong
    Siu Fai Kwong 於 04/12/2017 評論 NO. 11

    放過佢啦

  • 葉志穩
    葉志穩 於 04/12/2017 評論 NO. 12

    我比較喜歡埃及仔拍藍斯

  • Wing Cheung
    Wing Cheung 於 04/12/2017 評論 NO. 13

    Chunkin Leung😭😭

  • Jeff Kwong
    Jeff Kwong 於 04/12/2017 評論 NO. 14

    一直覺得佢粗支大葉,打下史雲斯水晶宮應該ok
    去到修咸頓都未必有正選

  • Javier Lau
    Javier Lau 於 04/12/2017 評論 NO. 15

    由擺阿迪達打防中開始,就知道雲加係喜歡所謂的技術形防中,只是沙加在控制中場上完全不是辛迪卡蘇拿的級數,防守更加不敢恭維,雲加堅持用佢,或許因為俾咗咁多錢買佢,唔用覺得好蝕。

  • Sam Leung
    Sam Leung 於 04/12/2017 評論 NO. 16

    有得必有失,雲加唔擺沙加藍斯奥燒喺中場,何來會有33腳射門15個中龍,以近幾場阿仙奴嘅主場氣勢,雲加排出比較進取嘅陣式亦無不可,而家只係輸喺自己球員連番失誤同廸基亞上身,撇除頭10分鐘時間,呢場阿仙奴每個球員嘅表現已經十分出色
    利申 曼及柏金迷

  • Derek Ho
    Derek Ho 於 04/12/2017 評論 NO. 17

    Ho Hin Wong Tik Choy

  • Hei Sin
    Hei Sin 於 04/12/2017 評論 NO. 18

    Calvin Pang😞

  • Chuk Gordon
    Chuk Gordon 於 04/12/2017 評論 NO. 19

    總之大賽人地一迫廢曬武功

  • Chun Hei Wong
    Chun Hei Wong 於 04/12/2017 評論 NO. 20

    Nathan CheungTom Ng 一早話呢條友!

  • 陳耀耀
    陳耀耀 於 05/12/2017 評論 NO. 21

    最慘係仲有防守球員係跟住波走唔睇人.....🤨

  • wombat
    wombat 於 05/12/2017 評論 NO. 22

    利迷亂入! 算我搭爹,有冇阿迷可以話畀我聽點解要咁對基佬特? 其實佢幫阿記立過幾多汗馬功勞,咁都冇得出。 其實佢一月如果走我真係最開心,最驚佢嗰啲入攝頭鎚。

  • Chris Koon
    Chris Koon 於 05/12/2017 評論 NO. 23

    我個人一直覺得阿仙奴防中只能三揀二,他們分別是哥斯尼、高基連 & 艾蘭尼 !!

  • 葉家灝
    葉家灝 於 05/12/2017 評論 NO. 24

    佢打得唔差喎,佢斷到幾多波,遠射都有威脅

  • Billy Chow
    Billy Chow 於 05/12/2017 評論 NO. 25

    現代足球我可能唔識,但柏金時期,後防好硬淨,所以中前埸D球員唔使時時回防,無後顧之憂,自然進攻流暢。

  • chungs
    chungs 於 05/12/2017 評論 NO. 26

    沙卡本身都唔係防中,係雲膠改做佢打防中,阿記係得高基連一純防中。

  • Paul Lo
    Paul Lo 於 05/12/2017 評論 NO. 27

    阿奴問題不在沙加,我經常堅持,基0特與哥士尼、刀是普通料。

  • Wong Pan Hing
    Wong Pan Hing 於 05/12/2017 評論 NO. 28

    第二球唔係普巴傳俾連加特 而係盧卡古傳俾馬斯亞 改番啱好喎唔該

  • Julius Chin
    Julius Chin 於 05/12/2017 評論 NO. 29

    Jason Chiu

  • Miller Kwan
    Miller Kwan 於 05/12/2017 評論 NO. 30

    唔好咩都話Wenger
    沙加係慕遜加柏時期已經係防中
    只不過有埋長傳同遠射
    佢落腳飛剷一樣好狼
    上季都幾場亂咁落腳拎牌啦

    而家根本佢廢 不斷控甩 唔識補位
    你地啲人就話係Wenger問題搞到佢咁?

  • Billy Wong
    Billy Wong 於 05/12/2017 評論 NO. 31

    沙加用黎破鐵桶就ok強強對碰搶中場中 出高基連較好 都係等緊有冇機會銀河唯一配拿卡錫迪

  • King Lok Chace
    King Lok Chace 於 05/12/2017 評論 NO. 32

    Ngai Drink ManHo Chan 點睇

  • Law Man Chung
    Law Man Chung 於 05/12/2017 評論 NO. 33

    瑞士足球先生😪 Wong Pak Hei

  • Gary Cheung
    Gary Cheung 於 05/12/2017 評論 NO. 34

    Ryan Cheung 沙加🤣

  • Jacky Ng
    Jacky Ng 於 05/12/2017 評論 NO. 35

    Ho YinCheuk Ngai Lam

  • Shinn Asuka
    Shinn Asuka 於 05/12/2017 評論 NO. 36

    Adrian Hsw #Xhakaboom 🌚

  • Arden Chan
    Arden Chan 於 05/12/2017 評論 NO. 37

    Kelvin ChanNicholas Sung player of the season

  • Tsunsang So
    Tsunsang So 於 05/12/2017 評論 NO. 38

    Pasu Mak

  • Roy Cheng
    Roy Cheng 於 05/12/2017 評論 NO. 39

    同利記用軒達臣打防中一樣。同一犯錯

  • Choi Chi Wang
    Choi Chi Wang 於 05/12/2017 評論 NO. 40

    d球迷睇得好有深度,明明廢既都講到是戰術需要,恕小弟膚淺,要求d球員基本工好就夠。

  • Jo Vermaelen Ho
    Jo Vermaelen Ho 於 05/12/2017 評論 NO. 41

    雲加很清楚輸波邊個責任

  • Ming Wa Lee
    Ming Wa Lee 於 05/12/2017 評論 NO. 42

    學界後防,兩三下反擊就...

快捷鍵:←
快捷鍵:→