阿仙奴作客1-0勝愛華頓入前三

兵工廠ㄧ阿仙奴 於 22/03/2012 發表 收藏文章
英超一場焦點大戰係葛迪遜公園球場打響,由愛華頓主場迎戰阿仙奴。經過90分鐘激戰,兵工廠憑藉華美倫一箭定江山全取三分,以1分優勢超越本輪戰和既熱刺,躍居到積分榜第三。

一開場阿仙奴反客為主圍攻愛華頓,並係8分鐘先拔頭籌。雲佩斯開出右路角球,華美倫禁區內高高躍起頭槌破網,0-1!

30分鐘,愛華頓前場一連串精彩配合後,由德倫特係禁區右側勁射破網,但球證判罰越位在先入球無效。
56分鐘,阿仙奴差點擴大領先優勢,沙格拿長傳,基比斯頭槌二傳,雲佩斯轉身抽射,皮球中柱彈出!

77分鐘,愛華頓開出角球,皮球彈到禁區外既德倫特面前,依位荷蘭中場又勁射,但皮球卻被施捷斯尼用指尖撲出!

最終阿仙奴將1-0的優勢保持到完場,取得聯賽六連勝並升到第三位


留言


請按此登錄後留言。未成為會員? 立即註冊
    快捷鍵:←
    快捷鍵:→