教練紙仔傳C朗 葡萄牙「走線」疑雲

World Soccer 於 23/06/2016 發表 收藏文章
歐國盃小組賽煞科日,F組上演最燦爛的晉級大戰。全隊總身價不及C朗四分一的匈牙利,成為F組首名,而被C朗批死「一事無成」的冰島,則在最後一分鐘絕殺奧地利,趕過葡萄牙成為小組次名。葡國三戰不勝,獲該組第三,僅以得失球差壓過A組的阿爾巴尼亞和D組的土耳其出線,總算保住爭標希望。

球員身價在廿四強中敬陪末席的匈牙利,不但爆冷晉級,今仗更曾三度領先葡萄牙,令該支F組種子隊險告陰溝裡翻船。兩隊在六十多分鐘內共入六球,上演癲鳳鬥狂龍,締造今屆迄今為止的最高入球紀錄,C朗亦找回射門鞋,連續兩次為球隊扳平。

下半場70分鐘,追成3比3的葡萄牙得勢不饒人,尤其是終於一吐烏氣的C朗,亟欲再下一城。不過,更有趣的一幕此時才告展開,場邊的葡萄牙領隊山度士,突然將一張紙仔交給左閘伊利素,示意他轉交C朗,傳球和傳紙仔同樣拿手的伊利素,像信差一樣走過去傳給C朗,C朗瞥了一眼就匆匆把它收起。

約過了兩分鐘,C朗在一次跳頂之後,彎身觸摸大腿,作出有微傷的身體語言。

此後,雙方再無入球,葡萄牙收起前鋒蘭尼,換以防中丹尼路。比賽末段,匈牙利兩名後衛像練波一樣互相短傳十幾腳,也沒有人上前逼搶。雙方似乎都很滿意賽果:匈牙利獲得小組第一,回國足以成為英雄,葡萄牙雖然輸掉面子,但換來在餘下兩輪淘汰賽避開強敵。

教練指示位置或戰術的調動,通常不離ABC餐,幾個動作就足以交代。山度士傳紙仔有何玄機,或許只有C朗才知道,但可以肯定,葡萄牙在當時一刻的形勢,實在相當微妙:如果葡軍再有入球並取得勝果,晉級後的對手很大機會是世界排名第二的比利時,如果保持和局,就會對排名第11的英格蘭或第27的克羅地亞。
最終葡萄牙在F組得第三,十六強的對手確定是克羅地亞,如能闖過這一關,八強就會對波蘭或瑞士,決賽前都不會遇上法德西意等列強。究竟這是因禍得福的巧合,還是神機妙算的走線奇謀,或許又是今屆歐國盃的一個謎……

標籤: 歐國盃  

留言


請按此登錄後留言。未成為會員? 立即註冊
  • Totaalvoetbal 於 23/06/2016 評論 NO. 1

    篇野有講傳紙仔個刻形勢, 教練當時係唔知冰島結果會點, 所以佢從來唔係要避英格蘭, 亦無得避, 但只要和波就幾乎肯定可以避開比利時 ! (因為E組篤定意大利第一, 而比利時極可能第二)
    避開比利時之後, 走上線定下線, 對英仔定克仔, 就唔係佢控制範圍以內

  • anyman1128 於 24/06/2016 評論 NO. 2

    如果係既,而家走左線仲麻煩

快捷鍵:←
快捷鍵:→