[無名英雄] 踢歐洲賽的英冠球隊- 韋根

無名英雄 於 26/12/2013 發表 收藏文章
[無名英雄] 踢歐洲賽的英冠球隊- 韋根
今季踢歐洲賽的球隊有阿仙奴、車路士、曼聯、曼城、熱刺、史雲斯,好像還有一隊?但又想不起。啊!係韋根! 應該有球迷會有疑問:韋根唔係跌左落英冠咩? 無錯!呢支「英超小強」上季降左落英冠,但同時又係足總盃擊敗左曼城,取得歐洲賽資格,成為一支同時踢英冠又踢歐洲賽的球隊。好像有一排沒有留意呢支神奇隊伍,今次 無名英雄 一於同大家睇睇韋根既近況啦!

今個夏天,由於降落英冠關係,無可奈何部份主力需離隊他投,令球隊實力大為減弱。當中麥卡菲、干尼、史譚、艾卡拉斯、保斯利、迪辛度等球員先後離隊,更重要的是領隊馬天尼斯亦離隊他投,令今季的韋根面目全非。球隊亦有補充新血,如鮑維、賀治、白治、卡臣等前英超兵亦降臨英冠,為韋根效力。但無可否認的是韋根的實力下降不少,即使新球員的加盟亦無補於是,令到今季韋根成績一落千丈。

要成為英超升降機其實不容易,要降易、但升難,英超一共二十隊隊伍,各球隊一季需踢38場賽事;相反英冠一共二十四隊,各球隊一季足足要踢46場賽事,因此在頻密的賽事上經常出現一週雙賽的情況,加上英冠踢法更體力化的影響下,一支英冠球隊往往會受到體力及傷患問題困擾。
韋根,今季暫踢二十場只得28分排12位,與榜首足足相差15分,因此在下季英超見到韋根的機會微乎其微。當然不排除韋根或能以附加賽身份晉身英超的可能性,但韋根今季表現攻不銳、守不穩的平平狀態便會有一點勉強。

以足總盃盟主身份參賽的韋根,在歐洲賽表現亦一如球迷所料,小組賽出局。韋根名列D組,同組隊手有魯賓卡山、馬里博爾及威爾郡,相信除了魯賓卡山外,香港球迷不會太熟悉其餘兩隊球隊。韋根在六場賽事後只得一勝二和三負的成績,以五分列包尾收場出局。

最後,韋根今季相信只能以英冠中游身份結束賽季,這支英超小強希望來季能繼續努力,後季在英超賽事中再次出現吧!

留言


請按此登錄後留言。未成為會員? 立即註冊
    快捷鍵:←
    快捷鍵:→