[無名倒掛] 倒掛,精彩。

無名英雄 於 25/11/2013 發表 收藏文章
[無名倒掛] 倒掛,精彩。
從來,倒掛入球往往都令觀眾拍爛手掌!因為倒掛需要球員極高技巧,除了身體柔軟度、平衡力、彈跳力,更要在千鈞一髮之間以反常姿態將球送入網,稍有差池,更有可能導致受傷。

近年有不少精彩的倒掛,當中各有千秋,但都有共通點,就是令一眾門將都目定口呆!唔知大家又鍾意邊球多D呢??

http://www.youtube.com/watch?v=bR85WezhC6Y迪亞高哥斯達 vs 基達菲
首先送上最近的倒掛入球,施展倒掛的是最近西甲紅人迪亞高哥斯達!

http://www.youtube.com/watch?v=Xz38qqfxuH4伊巴謙莫域 vs 英格蘭
之後到特技人伊巴謙莫域,呢球難度極高,伊巴當時離門頗遠,加上背對龍門情況下,全憑感覺將球掛入網!

http://www.youtube.com/watch?v=XFLUY-vW6IY
亨利 vs 蒙特利爾
呢球又有另一番風味,有「亨利式」瀟灑,準備時間充足尚算充足,令亨利以優雅式倒掛射入,足證高貝利大帝實力!

http://www.youtube.com/watch?v=FCpS7GNRIYo麥薩斯 vs 安德列治
今次打倒掛既唔係入慣波既前鋒,反而係助攻為主既麥薩斯,呢球同伊巴既倒掛有點相似,兩相同是背對龍門、離門頗遠 及 以 笠射形式入網,都係一樣精彩入球!

http://www.youtube.com/watch?v=VjWfcIr8JO4朗尼 vs 曼城
壓軸一球係由朗尼對曼城一記世紀金球,呢球難度在於蘭尼傳中落點其實不算太到位,一般前鋒都難以作直接攻門,但朗尼藝高人膽大以一記倒掛作終結,呢球更成為該賽季的最佳入球!

最後,奉勸各位大朋友、小朋友千祈唔好亂試倒掛動作,此動作極之危險,以上無名英雄通通受過職業訓練先可以係十萬份之一既機會當中做到,大家睇下、拍下手掌 同埋 繼續支持無名英雄呢個專欄 好啦!

留言


請按此登錄後留言。未成為會員? 立即註冊
    快捷鍵:←
    快捷鍵:→