外國傳媒不斷報導摩連奴最近不斷接觸曼聯既高層，同佢地講解自己既組軍方針。 根據每日郵報既報導，摩帥同曼聯高層透露過如果佢下季執教曼聯既話，將會賣走陣中兩位球員。呢兩位球員分別係曾經同佢係車路士傳出不和既西班牙中場馬達，同埋莫耶斯年代簽入既爆炸頭喇。兩年前既冬季，摩連奴將陣中既馬達以三千七百萬鎊賣到奧脫福。最近呢位前車路士領隊就解釋：「 要用好馬達就要有特定既戰術配合佢，但當時我唔打算因為佢改變自己既戰術。當日唔會，今日都唔會。馬達係一個天才，如果有拉美利斯同奧斯卡係兩邊引開對手，再將馬達放係前鋒後面打個10號位，佢就可以交到啲充滿威脅既傳球同精彩既走位出黎。」「問題係呢樣唔係我想踢既足球，係果個時候奧斯卡先係我既10號位。對我黎講佢就係當季踢得最好既車路士球員。」
原文
請按此登錄後留言。未成為會員? 立即註冊