[賽前資料]（主）曼聯 vs 韋斯咸（客） 精選

上輪曼聯以3比1主場擊敗昆士柏流浪，以1分優勢力壓曼城升返上一哥位置。今晚紅魔鬼繼續係主場迎戰韋斯咸。

[英超第14輪]（主）曼聯 vs 韋斯咸（客）
日期：29/11/2012
時間：04:00
地點：奧脫褔球場
今季，曼聯已經係第9次反敗為勝，但13輪聯賽就一共攻入32球，毫無疑問是今季英超聯賽最有火力既球隊。不過曼聯今季係各項賽事當中第11次先失球，紅魔係聯賽已經失左18球，係排名前6既球隊失球最多既球隊。

上場中場老將史高斯因累積5張黃牌自動申請停賽1場，前幾日，就因為安達臣表現出色，費格遜話會安排佢打正選。令外，有後備殺手之稱既「小豆」已經攻入近8場各項賽事既第8球，如果費格遜要輪換前鋒既話，好可能會比「小豆」踢正選。

令一方面，今季朗尼因為被安排踢後一格，所以入波少左，但助攻能力，就做得非常出色，上場因為再次貢獻1助攻，目前與車路士既馬達並列英超助攻榜首位。令外，朗尼可以話係韋斯咸既剋星，近4次聯賽面對佢地一共射入過7球。
相反雲佩斯就連續3場冇波入，這是佢轉會到曼聯之後既第一次。而韋碧克就繼續連續5場未入過波。曼聯主帥費格遜透露，華倫西亞下週先可以復出，而香川真司、維迪同蘭尼就繼續因傷缺陣。