曼聯7號球衣新主人成謎，有傳莫耶斯想將7號留比C朗。 精選

對於曼聯而言，7號係個相當具有傳奇色彩既號碼。簡東拿、碧咸、C朗等傳奇巨星效力曼聯時都曾經著過。上賽季，華倫西亞穿上7號球衣，但表現卻變得相當糟糕。今季中，華倫西亞就重新將球衣號碼換番自己曾經著過既25號。曼聯既7號球衣亦都咁冇左主人。英格蘭《每日郵報》明確指出，莫耶斯想將依個號碼留比C朗！
曼聯希望C朗重返奧脫褔球場，依個早就已經唔係秘密。今年夏天，曼聯仲曾經喺新加坡派代表接觸過C朗及其經紀人。 C朗同皇馬既合同將會喺2015年夏天到期，迄今為止佢仲未同皇馬完成續約。據《國家報》名記托利斯透露，曼聯當時建議C朗喺2015年夏天自由轉會重返奧脫褔，屆時曼聯會為佢送上5000萬歐元既簽字費，佢既稅後年薪亦唔會低過1700萬歐元。當時C朗表態會考慮曼聯既報價，而會於兩個月內做出決定。
但從目前情況黎睇，C朗似乎更傾向於留喺皇馬。 《馬卡報》不久前曾宣稱，C朗將會同皇馬續約到2018年，稅後年薪將上漲到1700萬歐元。

曼聯想再次得到C朗，只靠一件7號球衣打感情牌可無濟於事。一旦C朗同皇馬完成續約，曼聯將無法喺2015年等待佢自由轉會。想要得到C朗，曼聯只係得番同皇馬談判依條路可走。費倫天奴早就講過，任何想收購C朗既球會，都必須為佢準備好十億歐元違約金。對於曼聯而言，十億歐元係一個不可想像既天文數字。