[賽後分析] 意甲第18週 國際米蘭對拉素

撥亂反正

作為國米近年最大苦主,藍鷹總會爆發出令人驚訝的鬥志和實力. 猶幸球員身體狀態出奇地好, 令Pioli可以作出更合時宜既調配

開場階段Lazio 挾住積分榜與往績上「強隊」既勢頭,對國米中後場發起猛擊,幸而Handanovic初段繼續神勇發揮,不致Napoli既慘劇再次上演.


一直備受批評既Kondogbia,本場可以話打出本賽季最佳既一戰,出色既身體對抗同護球技術之外,多次積極回防反搶,顯示出對於防守覆蓋既意識有所提高. 可惜與Brozovic之間防守經常出現同時盯人,或者同時站位既尷尬局面,造成對方多次利用禁區前沿空檔完成射門.

另一方面Banega上半場防守Biglia出現好多唔集中既情況,令Biglia仍然可以透過出色既無球跑動接應以及長傳發起進攻. 進攻時Banega亦經常縮係禁區前沿位置,造成與兩防中之間既脫節,上半場就形成一種攻不成,守不穩既尷尬, Murillo經歷開季異常低迷既狀態,近兩場逐漸復甦,依靠大範圍既上搶,填補Brozovic以及D’Ambrosio壓上後既空檔,加上Miranda 比教科書更恐怖既選位,有驚無險之下守住上半場.

或者係得益於球員狀態既火熱,又或者係Banega防守上既缺失,又或者純粹只係想提升進攻. 不論如何Pioli 下半場既調整可以話非常得宜.放棄上半場全員低位防守既穩打作風,將Brozovic加上前場4將進行大量逼搶,放棄盯防Biglia,反而尋求對後場球員出球既壓制,一方面減少Biglia既觸球,另一方面提高前場既銳利度
呢個改變收到非常大既成效,Banega既入球雖然係世界級射門,但圍搶導致對方後場傳球失誤,正正就係下半場既戰術改變.入球後球員並無放鬆,繼續逼搶,D’Ambrosio積左十年人品斬出一次絕佳傳中,Icardi 再次發揮射手本色,機敏既跑位拉開比數,接下來既時間,就變得更加輕鬆.


Ansaldi領黃,影響前兩個調動,一方面用Nagatomo應付Aderson既靈活衝擊,另一方面Perisic需要大幅回防,呢個時候就用到防守意識比較強既Palacio取代Banega…

最後就係千呼萬喚始出來既Gabigol..

Pioli 賽後既評論,亦係本人既觀點,就係唔否定佢天賦同技術,但係場上應該更加簡單,唔好做太多花活… 插花拖慢節奏,但無任何突破同推進,係無意義的…

Pioli 執教國米6場意甲比賽,由高位逼搶到低位防守,再到今場間歇性逼搶.. 各個球員都分別得到上場機會,並且有不俗演出,可以話本土教練對國米、意甲既熟悉,成為球隊立馬回升既關鍵.

魔鬼賽程,6輪13分,算係非常出色既答卷

傷痕累累仍不服輸,風雨之中邁步前行
Forza Inter

熱愛足球的藍黑之魂 ─ BLnaze


讚好香港國米陣線專頁:
https://www.facebook.com/InterclubHK/posts/
意大利球會國際米蘭認可的官方球迷會
另外本會亦會定期舉辦球迷活動、踢球
歡迎加入一齊吹水,Forza Inter

留言


請按此登錄後留言。未成為會員? 立即註冊
    快捷鍵:←
    快捷鍵:→