意大利國家打吡前夕，意大利媒體 La Repubblica 刊出國米中堅米蘭史堅尼亞（Milan Skriniar）嘅專訪，所談到話題廣泛，包括自己的過去、國家打吡前瞻及未來去向等。
史堅尼亞：「呢到個個都叫我做 Skri 或者 Skrigno，我好喜歡呢個稱呼。呢一排有人開始同我講『Hi 米蘭』（Ciao Milan），不過佢地都係細細聲咁講...」
展開國米生涯之前，史堅尼亞先後踢過斯洛伐克球隊斯利納、茲拉特莫拉夫采足球會，與及意甲森多利亞。談起自己嘅職業生涯時，原來佢開初並非一名中堅：「三年前我係踢中場，當時斯利納教練阿祖安古拿（Adrian Gula）叫我打後啲。之後我發現自己幾鐘意呢個位置，所以就無再移位。」
「去咗森多利亞，我先至真真正正學識點踢中堅位置。好多謝森多利亞教練甘柏路（Giampaolo），佢係一位出色嘅教練。」
「隨此之後我就要開始完全地熟習呢個位置。我喺森多利亞取得大幅進步，呢到嘅經驗令我更加了解自己同熟悉意甲，因此轉會到國米後踢得更加輕鬆。史巴列堤係另一位大師，我好開心可以嚟同佢踢波。」
提到轉會國米，史堅亦無掩餘自己嘅喜悅：「夢想成真。相信我，我從未幻想過自己能夠踢國米。聽日將會面對80000球迷，於聖西路（梅亞查）主場對陣祖雲達斯。對我而言所有都係不可思議。但我唔可以活於夢想之中，我要活於現實。我嘅家人都無法相信所有野係真。」
今個週末夜晚2:45將會上演意甲大戰，國際米蘭主場迎戰祖雲達斯。呢場賽事好可能會影響意甲冠軍、前四排名，因而備受關注。
史堅對祖雲達斯有極高期望：「我預期祖雲達斯會被之前嘅賽事激發起來同埋會十分進取，因為佢地需要取勝。但我地已經準備好，球迷會給予球隊極大鼓勵。我地已經跨過難關，對上九場只係失兩球。」
「當然，我地對手係強大嘅祖雲達斯，佢地有希古恩、文迪蘇傑、迪巴拿、哥斯達，同埋一班中場。不過我地一樣會進攻佢地。」
一度盛傳會被豪門挖角，史堅尼亞嘅前途問題深受國米球迷關注。對轉會傳聞，史堅一直表演從容：「我唔知道未來會發生咩事，但呢一刻我會盡力踢好國際米蘭。我地嘅目標係入前四踢歐冠。奪冠係我其中一個夢想，但首先我想取得入場券。同埋我想喺國米到實現呢個夢想。」
會員投稿：古亞連生活頻道 Guarin Life Channel
讚好香港國米陣線專頁：
https://www.facebook.com/InterclubHK/posts/
意大利球會國際米蘭認可的官方球迷會
另外本會亦會定期舉辦球迷活動、踢球
請按此登錄後留言。未成為會員? 立即註冊