球迷「反雲」呼聲愈見高漲?雲加:「我受到年齡歧視」

雲加執教阿仙奴超過20年,雖然佢曾經帶領阿仙奴不敗奪得英超冠軍,但2003-04球季就正係阿仙奴上一次贏得聯賽冠軍嘅時候,至今已經14季,球迷對雲加嘅領軍方式愈覺不滿, "Wenger Out" 嘅呼聲亦越嚟越強烈。


喺遷入酋長球場初時,雲加為咗球會財政而「限米煮限飯」,尚且可以保住歐聯參賽資格,的確係一大奇蹟。不過,近年戰術潮流多番改變,不少新派教練冒起,阿仙奴喺球會還清債務、有力收購貴價球星之時,成績每況愈下,球迷自然認為雲加嘅執教方式或者已經被球壇淘汰。


雲加現年已經68歲,外界不時猜測雲加何時退休或離開阿仙奴,近日德國傳媒《Kicker》報導,前多蒙特主帥杜曹為執教阿仙奴而拒絕拜仁慕尼黑邀請,假若消息屬實,相信佢接手嘅日子一定不遠。

loading


雲加接受《beIN SPORTS》訪問,認為外間不斷討論佢嘅去留,以及球迷對佢敵意漸濃,係涉及年齡歧視:

「當我年紀漸大嘅時候,只會專注為球會做到最好,忽略其他嘢。

年紀越大嘅時候,就越容易被人年齡歧視。成績唔好嘅時候要負上責任,我接受。不過如果係話因為我已經留喺球會好長時間,同埋因為我年紀大,咁就好難接受。

不過講到尾,我都要接受一切批評,畢竟呢份工受到公眾關注,而且要做出成績,我接受大家基於成績去評價我。

可能我咁諗好天真,我認為當我離開嘅時候,隨住時間過去,大家會以我為球會所做嘅事嚟評價我,而唔係睇我最後一場波係贏定輸,或者嗰日有幾多人為我鼓掌。

我對於現今搞個人形象嗰一套有啲生厭,我人生以嚟一直都更在意真正嘅我係一個點嘅人,而唔係我表現出嚟係一個點嘅人,所以唔係太擔心呢啲嘢。」

Source: beIN SPORTS、Telegraph

留言


請按此登錄後留言。未成為會員? 立即註冊
  • ahbin 於 01/04/2018 評論 NO. 1

    係囉!雲膠,教埋你喇,老而不死,視為賊也,你又老又冇料,仲咗住個地球轉!唔死都冇撚用

快捷鍵:←
快捷鍵:→