別了,忘不了,那支曾經輝煌既前蘇聯足球隊,那位奪得歐洲足球先生既門將耶辛

1917年,俄國革命爆發,沙皇政權正式被推翻;1922年12月以俄羅斯、白俄羅斯、烏克蘭和其餘加盟共和國合併,成立了蘇維埃社會主義共和國聯盟,簡稱蘇聯,係1922年至1991年與美國並稱既「超級大國」,無論軍事、科技、能源等等,都同美國不相伯仲,兩國既競爭從「登月」鬥到「海潛」,連象徵和平既奧運會比賽都要「鬥一餐」,而蘇聯足球既水平更加反應蘇聯曾幾何時既「威風八面」。

1942年,被納粹德軍入侵既城市基輔,有一支著名球隊名叫基輔戴拿模,當時呢支基輔隊雲集大部份蘇聯球星,喺槍口見證下,展開與德國球隊既比賽,任誰都清楚,呢場波「許輸不許勝」,結果場上既基輔十一人,以全力「打謝」德國球隊,喺生命面前依然捍衛國家既聲譽,獲勝後,全數蘇聯球員被執行酷刑,最後槍決。當年喺莫斯科既耶辛先13歲,但「堅韌不屈」既精神,已經承繼喺每一代既蘇聯入身上,佢地真係一個偉大既民族。

可惜,社會主義,卻未能為國民帶來「世外桃源」,而且蘇聯足球國家隊更加因此受到好多球場上不公平既待遇,黑哨與誤判,曾經多次發生喺社會主義國家身上,例如保加利亞、前南斯拉夫同捷克斯洛伐克等,當中蘇聯隊係被針對得最多既球隊,儘管如此,蘇聯國家隊依然進入過7次世界盃決賽周,最好成績係打入四強;蘇聯係歐洲賽事更加「出彩」,1960年決賽擊敗南斯拉夫奪得冠軍,分別係1974、1972同1988年奪得亞軍,1988年僅僅輸俾「荷蘭三劍客」領銜既荷蘭隊;蘇聯另外獲得1956同1988年奧運會冠軍,絕對係東歐足球霸主,球星多數喺國內聯賽「搵食」,自然「同撈同煲」默契十足,除佐射手布洛堅拎過歐洲足球先生,門將耶辛喺1963年都拎過歐洲足球先生。

射手或者攻擊型球員拎歐洲足球先生獎項,周時都有,後衛拎獎,極度少有,而門將拎獎,可謂「前無古人,後來亦難有」,耶辛以超強撲球被稱讚為「黑豹」,更加以特長手臂被稱為「八爪魚」,身高1米9,猶如一座高塔鎮守喺龍門前面,喺那個進攻狂熱既年代,耶辛一次又一次令對手攻門無功而回,早期耶辛曾經做冰球隊門將,拎過蘇聯冠軍,返到綠茵草場,耶辛更加發揮出色,一生只效力莫斯科戴拿莫球隊,協助球隊聯賽冠軍5次同聯賽盃3次,1954年開始代表國家隊,出席過1958、1962、1966三次世界盃,由於經驗豐富,1970任三號門將提供意見,耶辛職業生涯一共擋到150粒十二碼,可謂驚人,回想1963年度,西班牙有迪斯提芬奴同路易斯蘇亞雷斯,法國有雷蒙高柏,匈牙利有普斯卡錫,英格蘭都有馬菲斯等,結果歐洲足球先生獎項落入耶辛懷抱,足以證明耶辛係20世紀最偉大既門將。

1991年,蘇聯解體,又變返15個國家。2014年,前蘇聯已經係歷史名詞,舒夫真高已經承繼佐「傳奇蘇聯射手」衣缽,唔知俄羅斯門將艾堅費耶夫幾時可以承繼耶辛功力呢?讓我們拭目以待,欣賞下今年俄羅斯既比賽。

留言


請按此登錄後留言。未成為會員? 立即註冊
    快捷鍵:←
    快捷鍵:→