[拾苟點評]摩連奴對靴里拉言論感不滿?一張圖、一句話,證明為何靴里拉應予以重用 圖片

拾苟說足球於 22/10/2017 發表 收藏文章
曼聯作客赫德斯菲以1-2落敗,摩連奴在賽後直認「無論用任何角度看這場比賽,都是較好的一隊獲得勝利。我們值得落敗。」認輸了,卻對靴里拉的一句話感到尤其不滿,只因後者賽後在曼聯電視說︰「(赫德斯菲)在首30分鐘比我們顯示出更強的熱情。」

摩連奴對這句話表示不滿,但言談中卻不像是針對靴里拉本人,而是暗諷整支球隊︰「他們的態度擊敗了我們。我寧願輸給強大的對手,也不願意輸給態度。靴里拉說我們輸了態度和求勝心,天哪,當一位球員這樣說,他們應該一起出席記者會來解釋一下,因為我真的不會解釋。」

或者摩佬認為,靴里拉這樣的言論不適合在大庭廣眾說出來,畢竟這種話對球員士氣會有一定影響。不過,靴里拉敢講這一句話,顯示出兩件事︰一、曼聯更衣室內的爭勝心的確不夠旺盛(現在才季初…);二、靴里拉可能是唯一一個真正熱愛球隊的人。

雖然小弟一直喜愛曼聯,但不得不承認,要一個頂級球員在一支曾所向披靡的球隊裡共富貴易,共患難卻不。因為它的名氣往往吸引很多只愛奬牌、卻不愛球隊的人,球迷如是,球員更是;當你沒落,就想離開找更強的球隊,以在有限的球員生涯尋找個人榮耀,也就是所謂的「glory hunter」。

這是人之常情--正如你也不太愛你的公司吧,無必要指出哪支球隊特別多這樣的球迷或球員。事實上,也正是因為罕見,one club man、或肯和球隊共榮辱的人,才會被大力歌頌︰保方、尼維特能伴隨祖雲達斯降班;謝拉特、加歷查不曾為英超離隊。

曼聯在費格遜年代後,表現一直浮沉。除了華倫西亞、卡域克、楊格等老將,靴里拉已算是老臣子之一。曼迷球迷普遍對他鍾愛有加,不是因為他好波,而是因為他對球隊的忠心和熱情。球隊勝利,即使他只坐在後備席,靴里拉慶祝得比所有人都激烈︰

就算球隊落敗,他是最大力鼓勵隊友的一人。


以上這張圖,正好表現了曼聯需要靴拉里的態度。這是失第一球後拍下的照片︰馬達中場失去控球導致反擊機會,失球後面露沮喪;連迪路夫1v1被完勝,無法成功阻止第一腳射門,看起來心有餘悸,之後很快就犯下漏頂一個球門球這種業餘級犯錯導致失第二球;盧卡古用審視的姿態看著犯錯的後防隊友,卻不曾像上場安慰賓菲加門將一樣鼓勵隊友。

只有靴里拉顯示出曼聯場上欠缺的東西,一個真正的領袖提醒球員所需的熱情和不要服輸的態度!

的確,在星光熠熠的中場線,技術層面上或許沒有靴里拉的用武之地。但當球隊在逆境中、要打士氣波的時候,難道靴里拉就沒有作用了嗎?

「赫德斯菲在首30分鐘比我們顯示出更強的熱情。」一句話,可能在摩佬眼中是失言,在曼聯球迷眼中,是一個球隊精神領袖的提醒。可恨的是靴里拉在球場上沒有足球的上陣時間,令他這種感染力得到應有的尊重。

老實說,謝拉特、堅尼、韋拉球技不算特別出色(頭盔︰出色但不致頂級),卻是球隊的恆常正選和隊長。靴里拉能有一天趕上他們的步伐嗎?

最後想分享一條有關靴里拉入魔的訪問,叫人不禁熱淚盈眶,只求今後靴里拉能保持這種熱情,一直走下去。

文︰請支持小弟的Facebook專頁-拾苟說足球!
標籤: 曼聯  

留言

會員
我要評論
請按此登錄後留言。未成為會員? 立即註冊
  • Donald Choi
    Donald Choi 於 22/10/2017 評論 NO. 1

    真曼😓

  • Wong Cheuk Fung Keith
    Wong Cheuk Fung Keith 於 22/10/2017 評論 NO. 2

    Li Ming Yi Claire did u wrote that

  • Campos Yu
    Campos Yu 於 22/10/2017 評論 NO. 3

    摩佬:「靴里拉說我們輸了態度和求勝心,天哪,當一位球員這樣說,他們應該一起出席記者會來解釋一下,因為我真的不會解釋。」
    我都不會解釋邊忽感受到摩佬對佢不滿。

    琴晚難得有睇,睇完明白哂點解摩佬唔鐘意8號。

  • Tony Kawai
    Tony Kawai 於 22/10/2017 評論 NO. 4

    No heart

  • Tim Tam
    Tim Tam 於 22/10/2017 評論 NO. 5

    其實尋晚睇直播都幾心傷,鍾斯一傷佢係甘打自己對腳,係甘覺得自己對腳點解唔爭氣,傷左都仲搶埋個波;靴里拉一失波之後佢除左再激勵隊友之外,仲自己不斷現身加快隊波個速率,其他-盧九同馬廸好似好攰,馬仔拎完個黃牌又入左自己心理質素唔夠既陷阱,福仔入黎好啲,但唔夠態,MK又係唔穩定
    今場係抵輸!!!
    希望鍾斯快啲好返,靴仔繼續有火

  • 工藤新一
    工藤新一 於 22/10/2017 評論 NO. 6

    但馬迪搭靴里拉呢個組合真心唔得,今季出民個組合喺聯賽就係全部唔贏!睇下摩佬再點去調教佢哋

  • Longlong Wong
    Longlong Wong 於 22/10/2017 評論 NO. 7

    HonLung Wong王曼久

  • Anson Cho
    Anson Cho 於 22/10/2017 評論 NO. 8

    坦白講 靴里拉 福仔 馬斯亞 加埋 楊格 華倫西亞 全部都唔夠班 都唔知呢幾年曼聯買乜q人 幾千萬買果d唔出名既人 有病冇 ?
    利申 曼迷

  • Benny Chui
    Benny Chui 於 22/10/2017 評論 NO. 9

    靴里拉先至佩得上當曼聯隊長👍🏼

  • Honson Chan
    Honson Chan 於 22/10/2017 評論 NO. 10

    靴里拉點用企喺馬迪後面?

  • Kit Li
    Kit Li 於 22/10/2017 評論 NO. 11

    靴里拉依兩場攻守都無乜貢獻wor師傅

  • Ryan So
    Ryan So 於 22/10/2017 評論 NO. 12

    Chloe Lei

  • Nic Chung
    Nic Chung 於 22/10/2017 評論 NO. 13

    攻又唔得 守又唔得...

  • Godfai Li
    Godfai Li 於 22/10/2017 評論 NO. 14

    中間做唔到波,變左好多波都由馬迪後邊吊上去

  • Daniel Ng
    Daniel Ng 於 22/10/2017 評論 NO. 15

    靴仔真係有心有火, 但定位真係難…
    其實曼聯整中場線都係…睇落好百塔…其實好難夾…

  • Gut Lam
    Gut Lam 於 22/10/2017 評論 NO. 16

    尋晚場波好似上年前年隊曼聯咁。。不過勝敗乃兵家常事。。係有點唔抵咁姐

  • Nicholas Hui
    Nicholas Hui 於 22/10/2017 評論 NO. 17

    費sir教果陣ge曼聯球員唔係最勁,但鬥志一定最強,現在嘅曼聯就係無左呢樣

  • Brooklyn Chan
    Brooklyn Chan 於 22/10/2017 評論 NO. 18

    除左疲態仲有心態好重要 當年堅尼+舒米高,後期李奥+雲達沙都係贏冠軍既重要熱血成份

  • Jacky Chung
    Jacky Chung 於 22/10/2017 評論 NO. 19

    馬迪&靴尼拉是同一類球員,掃蕩迫搶強。其實唔好咁快定靴尼拉唔店,記唔記得上季好幾場靠佢去凍結最好波既人, 夏薩特都比佢追到影都無,呢D咁有火既球員,係紅魔必須

  • Steven Wong
    Steven Wong 於 22/10/2017 評論 NO. 20

    靴仔真係好有heart,經常見佢拍手鼓勵隊友,仲有就係拼命三郎-jones

  • Anson Chan
    Anson Chan 於 22/10/2017 評論 NO. 21

    作者最後話到謝拉特唔係頂級 連施丹都想要同隊友 都唔係頂級 咁邊個係😂😂

  • Hok Kam Yau
    Hok Kam Yau 於 22/10/2017 評論 NO. 22

    靴里拉 入選唔到 國家隊 某程度上 係因為 係曼聯

  • Edton Li
    Edton Li 於 22/10/2017 評論 NO. 23

    隊長

  • Tszkit Jimmy Leung
    Tszkit Jimmy Leung 於 22/10/2017 評論 NO. 24

    靴里拉做波能力未必係頂級,但真係唔係第一次見過佢完全凍結到對面一個重心球員,爛打踢得有規律先係佢賣點

  • Ho So
    Ho So 於 22/10/2017 評論 NO. 25

    Hehe😢

  • Kin Liu
    Kin Liu 於 22/10/2017 評論 NO. 26

    靴仔今季表現一般 好似搵唔到自己個位置要做咩野咁

  • Kalvin New Kok Tiong
    Kalvin New Kok Tiong 於 22/10/2017 評論 NO. 27

    输一场姐,

  • TszHang Au
    TszHang Au 於 22/10/2017 評論 NO. 28

    靴利拉唔算係頂級.....不過,球場果種鼓勵隊友態度的確,眼見得佢同鐘斯會做。費sir年代好多球員都唔係頂級,但係班波就係贏決心、態度。呢幾年都係無左呢樣野,今季頭幾場我見返呢度火,對利物浦都頌見到,將士用命無左普巴同費蘭尼的確差好遠,但係我曼聯今季一定會拎到好成績,一兩場失分唔算係咩既,聯賽係長途賽,依家先兩個月到,頌有機會既

  • Wochi Lo
    Wochi Lo 於 22/10/2017 評論 NO. 29

    靴仔事實係隊長首選,
    有踢波就明白球員的功能,好技術必然,但心態好重要,爛打勇敢是隊中的榜樣,能帶動球員一心一意去打拼,這種球員可遇不可求。

  • Ronaldo. Ng
    Ronaldo. Ng 於 22/10/2017 評論 NO. 30

    你又知佢愛球隊?

  • Mario Ho
    Mario Ho 於 22/10/2017 評論 NO. 31

    老實講,呢隊曼聯真係全隊11個對美斯1個都會輸。

  • Cole Lai
    Cole Lai 於 22/10/2017 評論 NO. 32

    Tsang Chit Chung sad but true

  • Edwin Chan
    Edwin Chan 於 22/10/2017 評論 NO. 33

    靴仔其實真係好有火
    但真係好慘好多豬隊友

  • Edwin Chio
    Edwin Chio 於 22/10/2017 評論 NO. 34

    其實靴仔真係努力 每場波有正選 都會交出不俗效果 點解摩佬用佢用到咁樣 好易流失咁好球員的

  • Lo Tsz Wang Christopher
    Lo Tsz Wang Christopher 於 22/10/2017 評論 NO. 35

    Kelvin Chuk oh daddy is angry

  • 姜志明
    姜志明 於 22/10/2017 評論 NO. 36

    雪雪雪

  • Tony Chiang
    Tony Chiang 於 22/10/2017 評論 NO. 37

    佢算係一位真小人,會為勝利不擇手段,可敬!

    利申:利迷

  • Siu Jer
    Siu Jer 於 22/10/2017 評論 NO. 38

    鍾斯未必係最好嘅後衛, 但佢個下態度真係而家曼聯入面小有, 靴利拉心態可能係曼聯入面最積極個個, 如果大家有留意, 佢上季失波佢係不斷鼓勵隊友, 輸波唔緊要, 但可唔可以唔好連態度都輸埋?

  • Yip HungWong
    Yip HungWong 於 22/10/2017 評論 NO. 39

    Tango PauTom Wan

  • Jason Fung
    Jason Fung 於 22/10/2017 評論 NO. 40

    自己覺得H21踢得一般 不過呢個係佢既定位問題 同L14踢到可有可無咁
    但佢都特別需要改善臨門一腳
    有火係好事 我諗佢要做就係同L14一樣 更多跑動 更多有侵略性傳球破開對手防線

  • Chung Wong
    Chung Wong 於 22/10/2017 評論 NO. 41

    得把口自己都唔知踢緊乜,我唔覺佢有火囉!

  • Blackboy Herotam
    Blackboy Herotam 於 22/10/2017 評論 NO. 42

    Matthew Cheng 識貨之人就知靴利拉幾有用

  • Edmond Lai
    Edmond Lai 於 22/10/2017 評論 NO. 43

    好多精彩留言 David Lau James Lau Kelly Yen Victor Li Roy Kai Chan Lawrence Li

  • Wong Kin
    Wong Kin 於 22/10/2017 評論 NO. 44

    Chan Chin Wai

  • Victor Man
    Victor Man 於 22/10/2017 評論 NO. 45

    態度同能力係兩碼子嘅事,現實就係靴里拉已經淪為普巴馬迪甚至費蘭尼之後嘅第四選擇。

  • Joe Lau
    Joe Lau 於 22/10/2017 評論 NO. 46

    輸吾賴地硬

  • Roy Chan
    Roy Chan 於 22/10/2017 評論 NO. 47

    出佢今季有無贏過

  • Alan Sin
    Alan Sin 於 22/10/2017 評論 NO. 48

    Bowen Sze

  • 郑劲斐
    郑劲斐 於 22/10/2017 評論 NO. 49

    这场太轻敌了,放弃了摆大巴玩反攻的策略,你看之前的比赛曼联的对手哪里会有机会 2 v 2 的

  • Saikit Tacoyaki
    Saikit Tacoyaki 於 22/10/2017 評論 NO. 50

    成隊都冇態,狀態同心態都係,點都要輸一鑊,係就快唔好等下個禮拜,收拾心情,知恥近乎勇,起身再踢過。

  • Shing Leung
    Shing Leung 於 22/10/2017 評論 NO. 51

    韋拉都唔係頂級...

  • 寫樂
    寫樂 於 22/10/2017 評論 NO. 52

    現在的紅魔沒有像堅尼或史高斯這種熱血精鬥士!
    這團火往往都是會激勵一隊波的士氣!

  • King Hung Nchk
    King Hung Nchk 於 22/10/2017 評論 NO. 53

    認同

  • Jacky Cheung
    Jacky Cheung 於 22/10/2017 評論 NO. 54

    有火既實用球員助功助守亦都好茅同扮野

  • Fred Yu
    Fred Yu 於 22/10/2017 評論 NO. 55

  • Kelvin Leung
    Kelvin Leung 於 22/10/2017 評論 NO. 56

    可惜自從馬迪來左,靴尼拉上陣既機會越來越少。
    咋晚輸波,成隊都有責任。
    其實有網友講左,爸b 的確冇左輪換個種膽色,keep 唔到 後備球員狀態

  • Deeve Lee
    Deeve Lee 於 22/10/2017 評論 NO. 57

    摩奴 OUT !

  • Stone Wong
    Stone Wong 於 22/10/2017 評論 NO. 58

    Sai Wai

  • Mickey Chang
    Mickey Chang 於 22/10/2017 評論 NO. 59

    Catherine Ho should read

  • Johnny Kan
    Johnny Kan 於 23/10/2017 評論 NO. 60

    輸一場半場鬼死咁嘈

  • Kenneth Lee
    Kenneth Lee 於 23/10/2017 評論 NO. 61

    Wong Man KeiJeffrey ChanJason Tse

  • Love  Ping
    Love Ping 於 23/10/2017 評論 NO. 62

    next captain

  • Michael Kwok Ah Sze
    Michael Kwok Ah Sze 於 23/10/2017 評論 NO. 63

    上年搶到車仔中場一棟都冇係邊個先?個種熱血有幾多個!

  • Kenny Chin
    Kenny Chin 於 23/10/2017 評論 NO. 64

    曼聯陣中最有火既隊員👍🔥但曼聯連續做客加傷病的確造成好大影響....

  • 黃楚維
    黃楚維 於 23/10/2017 評論 NO. 65

    馬達個肚腩

  • 單身狗
    單身狗 於 23/10/2017 評論 NO. 66

    球員有自己的想法,不是個個甘於泊大巴,有幾多個好似費蘭尼咁聽話,由中鋒轉形做工兵,你叫C朗,夏世三幫你泊大巴,啋你有味,這也是摩佬麾下經常與球員不和的原因,教大球會與波圖是有分別的,摩佬多年來也沒有調整心態.

  • 輝輝輝
    輝輝輝 於 23/10/2017 評論 NO. 67

    馬迪再咁踢,傷埋就真係大檸樂

  • chango
    chango 於 23/10/2017 評論 NO. 68

    Herrera 其實應係放係MK 個位,比MK 休息一下,比新仔文沙做防中幫馬迪走埋佢個份,右翼比翻Young ,中間有Rojo smalling ,禁咪可以中場有翻活力加有翻多少少硬度,好過成日叫Herrera 吾上吾落,加埋比班人抖下,摩佬請你大膽一啲試下新野,如果吾係你每隊真係最多得3季,真心吾覺得你有能力,不過成日框住自己,利申 真曼

  • chango
    chango 於 23/10/2017 評論 NO. 69

    吾覺得你無能力*

  • Yeung Kin
    Yeung Kin 於 23/10/2017 評論 NO. 70

    其實靴里拉不嬲都有傳d靚直線,但隊友把握唔到, 而且俾人瘋狂改造愈踢愈後, 可唔可以唔好怪佢呢?

  • Chung Wing Kwan
    Chung Wing Kwan 於 24/10/2017 評論 NO. 71

    果場靴里拉踢到屎咁。。。

快捷鍵:←
快捷鍵:→